Sığorta müqavilələri internet vasitəsilə bağlanacaq

06-04-2012 / 13:30
Maliyyə Nazirliyi bu ildən sığorta müqavilələrinin internet vasitəsilə onlayn bağlanmasına imkan verən yeni sistemin tətbiqinə başlamaq niyyətindədir. 
RİTN-nin informasiya resurslarından əldə edilən məlumata əsasən, beynəlxalq təcrübədə artıq geniş yayılan bu sistemin Azərbaycanda da tətbiqinə təkan verən bir sıra amillər var.
Belə ki, elekton xidmətlərə keçidin sürətlənməsi nəticəsində digər sahələrdə olduğu kimi, sığorta sahəsində də müqavilələrin onlayn bağlanması geniş yayılmaqdadır. 
Yeni sistemə keçidi dəstəkləyən başlıca amil isə artıq Azərbaycanda “Elektron imza”dan istifadəyə başlanmasıdır.
Azərbaycanın sığorta bazarındakı vəziyyətə gəlincə, hazırda respublikada 28 sığorta şirkəti fəaliyyət göstərir. Onlardan 3-ü həyat sığortası, qalan 25-i isə qeyri-həyat sığortası şirkətləridir.
Sığorta müqavilələrinin bağlanmasına və sığorta tələblərinə (sığorta hadisəsi baş verdikdə sığortalı tərəfindən sığortaçı qarşısında qaldırılan, sığorta ödənişi verilməsi haqqında tələb) dair məsləhətlər verən fiziki və ya hüquqi şəxslərin - brokerlərin sayı isə 13-dür. Hazırda Azərbaycanın sığorta bazarında fiziki və hüquqi şəxs sığorta brokerləri fəaliyyət göstərirlər ki, reyestrə daxil edilmiş brokerlərin də 6-sı fiziki şəxs, qalan 7-si isə hüquqi şəxs sığorta brokerləridir. 
Xeberler.az

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə