Azərbaycanın Beynəlxalq Sığorta Şirkəti (BSS) rəsmi veb-saytını (www.iic.az) yeni tərtibatda istifadəyə verib

24-12-2008 / 12:34

Şirkətin Satış və marketinq Departamentinin direktoru Elşad Əliyevin «APA-ECONOMICS»ə verdiyi məlumata görə, saytda şirkətin sığorta xidmətləri və məhsulları, sığorta xəbərləri və sığorta qanunvericiliyi haqqında ətraflı məlumatlar yerləşdirilib.

Bundan başqa, saytda həftədə bir dəfə müştərilərin suallarını online formada cavablandırmaq, konfrans keçirmək, sığorta ilə bağlı gündəlik sualları cavablandırmaq üçün online-konfrans otağı yaradılıb.

Qeyd edək ki, təsisçisi Azərbaycan Beynəlxalq Bankı olan BSŞ 2002-ci ildən fəaliyyət göstərir. Şirkətin bu ilin yanvar-sentyabr aylarında topladığı sığorta haqlarının həcmi 13,18 mln. manat, ödənişləri isə 3,11 mln. manat təşkil edib. Ölkə üzrə toplanan məcmu daxilolmalarda şirkətin xüsusi çəkisi 9%, ödənişlərdə isə 8,45% olub. Bu ilin ilk 9 ayında sığorta daxilolmalarının həcminə görə, BSŞ ölkədə fəaliyyət göstərən sığorta şirkətləri sırasında üçüncü yeri, ödənişlər üzrə isə dördüncü yeri tutub. Hazırda şirkət 8,8 mln. manatlıq nizamnamə kapitalına malik olmaqla bu göstərici üzrə şirkətlər sırasında liderdir.

Ümumilikdə 29 könüllü və 4 icbari sığorta növü üzrə xidmət göstərən BSŞ-nin Bakıda 2 satış şöbəsi və Gəncədə 1 filialı var.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.