Ölkədə fəaliyyət göstərən bir sıra sığorta şirkətləri elektron imzadan istifadə etməklə onlayn sığortanın tətbiqinə başlayıb.
Xeberler.az-ın məlumatına görə, bununla da Mbask, Xalq, Atəşgah və AZ-sığorta sığorta şirkətləri vətəndaşlara sığorta şəhadətnaməsini onlayn əldə etmək imkanı yaratmış olacaq.
Adı çəkilən sığorta şirkətləri Rabitə və Yüksək Texnologiyalar Nazirliyinin Milli Sertifikat Xidməti Mərkəzinin (MSMX) yaratdığı serverə əsaslanan imzalama sisteminə inteqrasiya edilib.
Məlumat üçün bildirək ki, sözügedən server sistemi onlayn ödəniş, bankçılıq və digər elektron xidmətlər təqdim edən təşkilatların arayışlarını və digər vacib sənədləri qurumun səlahiyyətli şəxslərinin adından avtomatik imzalama imkanına malikdir.
Belə ki, yüksək imzalama zərurətinin təmin edilməsinə şərait yaradan sistem, sığorta şirkətlərinə vətəndaşın elektron müraciətini gücləndirilmiş e-imza ilə təsdiq edərək tələb olunan quruma (icbari sığorta bürosuna) göndərmək imkanı verir.
Qeyd edək ki, serverə əsaslanan imzalama sistemi tam təhlükəsizdir. Təhlükəsizliyin təmin edilməsi üçün açarlar USB token vasitəsi ilə qorunur və tam dayanıqlığı təmin edilir. Sistem il ərzində avtomatik olaraq milyonlarla imzanın yaradılmasını təmin edir.
Xidmətdən istifadə etmək istəyən təşkilatlar Milli Sertifikat Xidməti Mərkəzinə müraciət edib server üzərində elektron sənədlərin imzalaması üçün imza sertifikatı və xidməti açar əldə edə bilərlər.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri