“Journal of Eye Movement Research” jurnalında dərc olunan yeni araşdırma göstərir ki, smartfonlarda gündə cəmi bir saat sosial mediada vaxt keçirmək belə göz yorğunluğuna səbəb ola bilər.
Xeberler.az “MedicalXpress”ə istinadən məlumat verir ki, tədqiqat Hindistanda 30 gənc arasında aparılıb. İştirakçılar bir saat ərzində elektron kitab oxumaq, video izləmək və sosial media çarxlarına baxmaq üçün smartfondan istifadə ediblər. Göz hərəkətləri isə “Raspberry Pi” və infraqırmızı kamera ilə izlənib. Nəticələrə görə, sosial media istifadəsi digər fəaliyyətlərlə müqayisədə daha çox göz yorğunluğu yaradır. Bu proses zamanı göz bəbəyi ölçülərində daha çox dəyişiklik müşahidə olunub. Həmçinin, araşdırma göstərib ki, bir saatlıq istifadə ərzində göz qırpma sürəti 54-61 faiz azalır, göz qırpma intervalı isə 39-42 faiz artır. Bu isə gözlərin daha uzun müddət açıq qalması və vizual yorğunluğun güclənməsi deməkdir.
Mütəxəssislər bildirirlər ki, sosial mediada məzmunun və parlaqlığın tez-tez dəyişməsi yorğunluğu artıran əsas amillərdəndir. Araşdırma nəticələri ictimai səhiyyə təşəbbüsləri üçün vacib məlumat hesab olunur və ekran vaxtının azaldılmasının göz sağlamlığını qorumaqda mühüm rol oynaya biləcəyini vurğulayır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları