Söz Azadlığını Müdafiə Fondu (SAMF) Azərbaycanda fəaliyyət göstərən kütləvi informasiya vasitələrinin yeni kataloqunu kitabça şəklində çapa hazırlayır.
Fonddan APA-ya verilən məlumata görə, üç dildə - Azərbaycan, rus və ingilis dillərində olacaq kataloqun çapından öncə KİV-ə rəsmi qaydada müraciət olunacaq, onlar haqqında məlumatlar toplanacaq. Alınacaq məlumatlar sırasına qəzetin yaranma tarixi, baş redaktorları, tirajı və strukturu barədə informasiyalar daxildir. Kitabda yazılı media, internet media və elektron media qurumları barədə məlumatlar toplanacaq.
Məlumatlar kitab şəklində nəşr olunmaqla yanaşı, elektron formada SAMF-ın internet resursunda (http://azfreespeech.az/) yerləşdiriləcək. Bu da ölkə KİV-ləri barədə maraqlı məlumatların internet vasitəsilə bütün dünyaya çatdırılmasında, eləcə də KİV qurumlarının daha geniş şəkildə tanınmasında müstəsna rol oynayacaq. Kataloq-kitabçaların çap olunduqdan sonra KİV-lərə pulsuz paylanılması nəzərdə tutulur.
SAMF-ın kollektivi KİV qurumlarına mətbuat vasitəsilə də müraciət edərək, qarşılıqlı əməkdaşlıq təklif edib və özləri barədə məlumatların fonda çatdırılmasını gecikdirməməyi xahiş edib.
Qeyd ki, təşkilat 2004-cü ildən fəaliyyətdədir və indiyədək media problemlərinə aid bir sıra iri layihələri həyata keçirib. Fondun ilk icraçı direktoru isə tanınmış jurnalist Məmməd Nazimoğlu olub.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri