İqtisadi İslahatların Təhlili və Kommunikasiya Mərkəzinin operatoru olduğu Enterprise Azerbaijan portalının ABŞ-ın Nevada Universiteti ilə əməkdaşlıq çərçivəsində yaratdığı “StartUp School” layihəsi ilə bağlı işlər yekunlaşmaq üzrədir.
Xeberler.az-ın məlumatına görə, “StartUp School” layihəsinin növbəti mərhələsində görüləcək işlərə dair onlayn müzakirə təşkil olunub.
Onlayn müzakirədə İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı, ABŞ-ın Nevada Universitetinin Özmən Sahibkarlıq Mərkəzinin direktoru Mehmet Tosun, Enterprise Azerbaijan portalının rəhbəri Mətanət Musayeva və məktəbin yaradılmasında iştirak edən Amerika Birləşmiş Ştatlarından, Türkiyədən, İsraildən, Polşadan və Azərbaycandan olan ekspertlər layihə ilə bağlı ilkin təqdimatı müzakirə ediblər.
Təqdimatın ardınca “StartUp School” üçün tədris kurikulumu və sillabuslar təhlil olunub, yeni yaradılan saytın iş prinsipləri müzakirə olunub. Aparılan danışıqların yekun qərarına görə qeydiyyat və tədrisə başlamaq üçün son tamamlama işləri həyata keçiriləcək.
Startap məktəbinin tərəfdəşları həm də Türkiyənin OSTİM Texnologiya Universitetinin “Sahibkarlıq və Liderlik Mərkəzi”, İsrail Azərbaycan Ticarət və Sənaye Palatası, Azərbaycandan KOBİA, Dövlət Məşğulluq Agentliyi, “Sabah.lab” İnkubasiya və Akselerasiya Mərkəzidir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları