Süni intellektə malik holoqram təqdim olunub

04-10-2017 / 14:24

VNTANA və Satisfi Labs şirkətləri sahibkarlara biznesdə istifadə üçün şəxsi holoqrafik robot-köməkçilərin hazırlanmasına imkan verən yeni platforma yaradıblar.

Xeberler.az xarici mediaya istinadən məlumat verir ki, yeni layihə müştərilərlə qarşılıqlı əlaqədə olan robotun holoqrafik bədəninin yaradılması üçün süni intellekt və əlavə reallıq texnologiyalarını birləşdirir.

“Bizim holoqramların yaradılması texnologiyamız bir çox markalara öz müştəriləri ilə daha yaxşı qarşılıqlı əlaqədə olmağa kömək edib. İndi platformamızdakı bu yeni əlavəni təklif etməkdən məmnunuq. Satisfi Labs şirkəti ilə əməkdaşlıq sayəsində ilk dəfə süni intellekti holoqrama inteqrasiya edə bildik.Bu da holoqramlarımızın müştərilərlə daha yüksək səviyyədə qarşılıqlı əlaqədə olmasına imkan verəcək”, – deyə VNTANA şirkətinin həmtəsisçisi və baş direktoru Eşli Krouder bildirib.

Yeni sistemin əsas xüsusiyyətlərindən biri süni intellektin insanlarla qarşılıqlı əlaqə haqqında məlumatları toplamaq və emal etmək qabiliyyətidir ki, bu da sonra ona hər bir şəxslə unikal ünsiyyət qurmağa imkan verir.

Bunun üçün sifətin tanınması sistemi və emosiyaların tanınması üçün əhval-ruhiyyənin analizi modulundan da istifadə olunacaq. İstehsalçılar iddia edirlər ki, yeni ağıllı holoqramlar hələ ki, belə ünsiyyətə hazır olmayan insanları da stresdən azad edə bilər.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.