Təhsil və təlimdə təqdimat texnologiyası tədbiri keçirilib

19-07-2018 / 11:12

Azərbaycan Respublikasının Prezidenti yanında Bilik Fondunun təşkilatçılığı ilə Təhsil və təlimdə təqdimat texnologiyası mövzusunda silsilə tədbirlər keçirilib.

Xeberler.az məlumat verir ki, Bilik Fondunun lektorlar qrupunun üzvü, BDU-nun jurnalistika fakültəsinin dekanı, filologiya üzrə elmlər doktoru Vüqar Zifəroğlu Yevlax və Göyçay rayonlarının Heydər Əliyev mərkəzlərində, eləcə də Ağdaş Bilik Evinin fəaliyyət göstərdiyi yerli Heydər Əliyev Mərkəzində orta məktəb, gimnaziya və lisey müəllimləri qarşısında Təhsildə və təlimdə təqdimat texnologiyası mövzusunda mühazirə oxuyub.

Qeyd edək ki, yerli icra hakimiyyəti orqanlarının əməkdaşları və Bilik Fondunun rayon nümayəndələrinin iştirakı ilə keçirilən tədbirlərdə gənc müəllimlərə yeni təlim texnologiyalarının üstünlüyündən danışılıb.

Bildirilib ki, Azərbaycanda təhsil sahəsində aparılan islahatların fonunda təlimin keyfiyyətinin artırılması məqsədilə innovativ təlim metodları və texnologiyalarının tətbiqi olduqca zəruridir. Prezident İlham Əliyevin Fərmanı ilə təsdiq olunmuş Strateji Yol Xəritəsində təhsilin informasiyalaşması, təhsildə müasir informasiya-kommunikasiya texnologiyalarından səmərəli istifadə ilə bağlı mühüm məqamların qeyd olunduğunu nəzərə alaraq, gənc müəllimlər bu sahədə xüsusilə fəal olmalıdırlar.

Vüqar Zifəroğlu iştirakçılara yeni təlim texnologiyalarının tətbiqi qaydaları, faydaları və onlardan istifadə mexanizmi haqqında ətraflı məlumat verib. Diskussiya şəraitində keçirilən görüşdə müəllimlərin rəy və təklifləri dinlənilib, onları maraqlandıran məsələlər barədə geniş fikir mübadiləsi aparılıb.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.