EDUTECH

Oktyabrın 21-də ITE təlim mərkəzində “İntel Gələcək üçün Təhsil, 10-cü versiya” təlimi keçiriləcək.

Xeberler.az bildirir ki, təlim təhsil müəssisələrinin pedaqoji və inzibati-idarəetmə heyəti, həmçinin təhsil sahəsində çalışmaq istəyən pedaqoji universitet tələbələri və məzunları üçün nəzərdə tutulub.

Təlimdə yalnız informatika dərsində deyil, başqa fənlərdə də kompüter texnologiyalarından istifadə etmək imkanı, layihə metodikasını mənimsəyən İKT bacarıqlarından dərsdə səmərəli istifadə etməyi, Web 2.0 alətlər və müasir texnologiyalarla işləmək və praktik təcrübə toplayaraq, layihə planlaşdırmağı, multimedia təqdimatları, nəşrlər, veb-səhifələr yaratmağı və şagirdlərdə yüksək düşüncə vərdişlərinin formalaşdırılması vasitələri öyrədiləcək. 

Təlimdə iştirak edən hər kəs beynəlxalq müəllimlər şəbəkəsindən pulsuz faydalanmaq imkanı əldə edəcək. 

Təlim proqramı “Təhsildə İnnovativ Texnologiyalar” əlavə təhsil mərkəzinin fəaliyyəti Təhsil Nazirliyi tərəfindən lisenziyalaşdırılıb, beynəlxalq təcrübə və yeni tədris texnologiyalardan istifadə etməklə hazırlanır.

Sonda “Təhsildə İnnovativ Texnologiyalar” əlavə təhsil mərkəzi tərəfindən sertifikat təqdim edilir.

Təlimdə iştirakla bağlı əlavə məlumatları buradan əldə etmək mümkündür.

Ruhəngiz Muradova