Texnologiyalar mövzusunda yeni sənədlər təqdim edilib

04-10-2013 / 12:26
Azərbaycan Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fondunun Müşahidə Şurasının müzakirəsinə yeni sənədlər təqdim edilib.
 
Xəbərlər-in məlumatına əsasən, Müşahidə Şurasının növbəti iclasında üç yeni sənəd müzakirə edilərək təsdiqlənməlidir.
 
Bu “İnformasiya Texnologiyalarının İnkişafı Dövlət Fondunun vəsaitləri hesabına kreditlərin verilməsi məqsədilə sahibkarlıq subyektləri tərəfindən təqdim edilən investisiya layihələrinin qiymətləndirilmə meyarları”, “Azərbaycan Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fondunun vəsaiti hesabına kreditlərin verilməsində müvəkkil kredit təşkilatı kimi iștirak etmək istəyən banklar və bank olmayan kredit təșkilatlarının Fondun Müșahidə Șurasına təqdim edəcəyi sənədlər”, “Rabitə və İnformasiya Texnologiyaları Nazirliyi tabeliyində İnformasiya Texnologiyalarının İnkişafı Dövlət Fondunun vəsaitləri hesabına güzəştli kreditlərin alınması üçün sahibkarlıq subyektləri tərəfindən təqdim edilən investisiya layihələrinin tərtib edilməsinə dair tələblər”dir.
 
“İnformasiya Texnologiyalarının İnkişafı Dövlət Fondunun vəsaitləri hesabına kreditlərin verilməsi məqsədilə sahibkarlıq subyektləri tərəfindən təqdim edilən investisiya layihələrinin qiymətləndirilməsi 100 ballıq sistem üzrə həyata keçiriləcək, seçim meyarları kimi  “İnvestisiya layihəsinin dövlətin İKT sahəsi üzrə siyasətinə və Fond tərəfindən müəyyən edilmiş prioritetlərə uyğunluğu”     (30 bal), “İnvestisiya layihəsinin hazırlanmasına qoyulmuş minimal tələblərə uyğunluğu” (15 bal), “İnvestisiya layihəsi üzrə istehsalı nəzərdə tutulan məhsulun (iș  və xidmətin) innovasiya tutumlu, idxalı əvəz edən və ixracyönümlü olması” (20 bal), “Layihənin iqtisadi səmərəlilik göstəriciləri” (20 bal), “Sahibkarlıq subyektinin biznes tarixi” (15 bal) müəyyən edilib. İnvestisiya layihələrinin qiymətləndirilməsi üzrə keçid balı 60 bal müəyyən edilib.
 
Dövlətin İKT sahəsi üzrə siyasətinin həyata keçirilməsi və Fondun vəsaitlərinin daha səmərəli yerləșdirilməsi məqsədilə Azərbaycan Respublikası Prezidentinin fərman və sərəncamlarından və Dövlət Proqramlarından irəli gələn tədbirlərin reallașdırılmasına uyğun olan layihələrin maliyyələșdirilməsinə üstünlük verilməlidir.
 
 
Xeberler.az

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.