Dövlət Fondunun Müşahidə Şurasının iclası keçirilir

23-06-2015 / 17:41

Hazırda Rabitə və Yüksək Texnologiyalar Nazirliyi tabeliyində İnformasiya Texnologiyalarının İnkişafı Dövlət Fondunun Müşahidə Şurasının növbəti iclası keçirilir.

Dövlət Fondundan Xeberler.az-a verilən məlumata görə, iclasda İKT sahəsindəki layihələrə qrantların verilməsi ilə bağlı bir sıra məsələlər müzakirə olunur. Toplantıda Dövlət Fondunun “Qrant müsabiqələrinin təşkili və keçirilməsi” qaydalarına əlavələr edilməsi fikri irəli sürülüb.

Belə ki, “Qrant müsabiqələrinin təşkili və keçirilməsi qaydaları”na aşağıdakı bəndin əlavə olunması təklif olunur:

5.9. Ayrılmış ümumi qrant məbləğinin yekun ödənişi aşağıdakı hallarda azaldıla və ya ödənilməyə bilər:

5.9.1. Layihə icraçısının Fonda təqdim etdiyi maliyyə və təsviri hesabatlara, həmçinin Fondun apardığı aralıq və yekun monitorinqlərə əsasən layihənin tam icra olunmadığı və ya vəsaitin təyinata uyğun istifadə edilmədiyi müəyyən edildikdə:

5.9.2. Layihə üzrə edilmiş xərclər əvvəlcədən Fond ilə layihə icraçısı arasında razılaşdırılmış büdcəyə uyğun gəlmədikdə və ya xərclər üzrə müvafiq təsdiqedici sənədlər təqdim edilmədikdə.

 

Ruhəngiz Muradova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.