İnformasiya Texnologiyalarının İnkişafı Dövlət Fondunun Müşahidə Şurasının iclası keçirilib

27-12-2018 / 16:41

26 dekabr 2018-ci il tarixdə Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun Müşahidə Şurasının iclası keçirilib.

Xeberler.az  bildirir ki, fondun Müşahidə Şurasının sədri, Nəqliyyat, rabitə və yüksək texnologiyalar nazirinin müavini Elmir Vəlizadənin sədrliyi ilə keçirilən tədbirdə Fondun icraçı direktor vəzifəsini icra edən Azər Bayramov 2018-ci ildəki fəaliyyəti üzrə hesabatı təqdim edib. Bildirilib ki, hesabat dövründə ölkədə İKT sahəsində sahibkarlığın inkişafına dəstək olmaq məqsədilə innovativ və tətbiqi elmi-texniki layihələrin qrant maliyyələşdirilməsi davam etdirilib. Fondun keçirdiyi qrant müsabiqələrin icra vəziyyəti barədə məlumat verilib. Hesabat dövründə İKT sahəsində fəaliyyət göstərən sahibkarlıq subyektlərinə müvəkkil banklar vasitəsilə ayrılmış güzəştli kreditlər barədə də hesabat verilib.

Ölkədə startapların inkişafı, innovativ ideyalarının reallaşdırılmasına dəstək verilməsi, innovativ sahibkarılığın və yüksək texnologiyalar sahəsinin təbliği ilə bağlı Fond tərəfindən həyata keçirilən tədbirlər barədə ətraflı məlumat təqdim edilib.

Müşahidə Şurasının üzvləri müzakirələrdə iştirak edərək hesabat dövründə Fondun fəalliyyətini uğurlu saymış, Fond tərəfindən həyata keçirilən innovativ layihələrin maliyyələşdirilməsi tədbirlərini yüksək qiymətləndiriblər. İclasın yekununda Müşahidə Şurasının üzvlərinə Şurada beş il ərzində səmərəli fəaliyyətlərinə görə təşəkkürnamə ilə təltif ediliblər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.