“Türkiyə Hava Yolları”ndan sosial media qadağası

14-06-2017 / 16:45

Türkiyə Hava Yolları aviaşirkəti əməkdaşlarına sosial şəbəkələr ilə bağlı xəbərdarlıq edib.

Xeberler.az Haber365-ə istinadən məlumat verir ki, şirkət işçilərinə sosial media ilə bağlı bəzi qadağalar tətbiq edib.

Şirkət rəsmisi Bilal Ekşi yayımladığı məlumatda qeyd edib ki, əməkdaşlar öz fərdi hesabları üzərindən etdikləri paylaşımlarda məsuliyyət daşıyır.

Qeyd edilib ki, Türkiyə Hava Yolları imici, prestiji, şirkət prinsiplərinin zərər görməsinə icazə verməyəcək.

Buna görə də əməkdaşlara qarşı bəzi qadağalar tətbiq edilib.

Belə ki, artıq şirkət işçiləri uniformalarda fotolarını yaya bilməyəcək. Bu qadağa aviaşirkətin pilot, bort bələdçilərinə, texniki heyət və digər əməkdaşlara şamil olunur.

Qadağa ilə bağlı aviaşirkətinyaydığı məlumatda qeyd edilir ki, əməkdaşlar sosial şəbəkələrdə iş yerlərini də qeyd edə bilməzlər.

Türkiyə Hava Yolları həmçinin aeroport daxilindən görüntülər (video) paylaşmağı, digər strateji əhəmiyyətli obyektlərin fotolarını yaymağı da qadağan edib.

Şirkətin məlumatında iş saatlarında əməkdaşların sosial mediaya görə işlərini gecikdirməmələri də qeyd edilib.

Türk Hava Yolları həmçinin internet istifadəsi ilə bağlı qanun və qaydalara uyğun olaraq iş məqsədi üçün əməkdaşlarına verdiyi kompüter, mobil telefonu hər hansı bir məlumatdırma olmadan nəzarətə ala biləcək.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.