Türkmənistan Prezidenti Serdar Berdımuhamedov ölkədə rəqəmsal iqtisadiyyatın tənzimlənməsi istiqamətində "Virtual aktivlər haqqında" qanununu imzalayıb. Yeni sənəd ölkə ərazisində mayninq fəaliyyətini, kriptobirjaların və mübadilə xidmətlərinin ("exchanger") işini leqallaşdırır.
Xeberler.az bildirir ki, qanuna əsasən, kriptovalyutalar Türkmənistanda mülki hüququn obyekti kimi qəbul edilir. Lakin onların rəsmi ödəniş vasitəsi, milli valyuta və ya qiymətli kağız kimi istifadəsinə icazə verilmir. Sənəddə aktivlərin həm təminatlı, həm də təminatsız növləri nəzərdə tutulub.
Mayninq fəaliyyəti ilə məşğul olmaq istəyən fərdi sahibkarlar və hüquqi şəxslər Türkmənistan Mərkəzi Bankında elektron qaydada qeydiyyatdan keçməlidirlər. Kriptobirjalar və virtual aktiv xidməti göstərən provayderlər isə Mərkəzi Bankın xüsusi lisenziyası əsasında fəaliyyət göstərəcəklər. Təhlükəsizliyi təmin etmək və çirkli pulların yuyulmasının qarşısını almaq məqsədilə bu platformalarda cüzdan açan hər bir istifadəçinin şəxsiyyəti mütləq qaydada identifikasiya olunmalıdır.
Sənəd virtual aktivlərin reklamına dair ciddi tələblər qoyur. Reklam materiallarında potensial risklər barədə xəbərdarlıq mütləq olmalıdır. Bundan əlavə, istifadəçilərə zəmanətli gəlir vəd etmək, bonuslar təklif etmək, reklamda dəbdəbəli həyat elementləri və ya yetkinlik yaşına çatmayan şəxslərin görüntülərini istifadə etmək qadağandır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları