PROQRAMLAR

Son 30 il ərzində ev və iş yerlərində ən çox istifadə olunan əməliyyat sistemi Microsoft-un Windows əməliyyat sistemi olub.  Ancaq Apple-in xüsusilə iPad və iPhone məhsullarından sonra Microsoft-un gəlirləri azalmışdı. Lakin Windows 10 əməliyyat sisteminin Microsoft-a yenidən gəlir gətirəcəyi  bildirilir.

 Windows 10 ödənişsiz olacaq

Microsoft yeni əməliyyat sistemini Windows 7 və ya Windows 8 istifadəçiləri üçün pulsuz bir yeniləmə olaraq təqdim edəcək. Ancaq hələ dünyanın böyük hissəsinin Windows XP istifadə etdiyi düşünsək, Windows 10 üçün də ödəmə edib isifadə edənlər də az olmayacaq.

İnternet Explorer-ə əlvida

Windows 10-da daha əvvəl Spartan adıyla xatırlanan Microsoft Edge brauzeri isə Google Chrome qədər sürətli və əlavələr ilə birlikdə son dərəcə rahat olacaq.

Cortana proqramı

Apple-in Siri adlı virtual proqramına rəqib olan Cortana, Microsoft-un mobil qurğularında ən çox sevilən proqramlardan biridir. Siri-dən daha funksional olan Cortana, Windows 10 ilə birlikdə kompüterlərimizə da gəlir və Apple-in inteqrasiya şəkildə işləyən cihazları kimi Microsoft da özünə aid bir ekosistem qurmağa hazırlaşır.

Windows XBOX proqramı

Xüsusilə oyun həvəskarlarını maraqlandıran bu proqram sayəsində kompüter istifadəçiləri  və Xbox istifadəçiləri arasında əlaqə yaranır. Artıq kompüter vasitəsilə Xbox istifadəçiləri ilə onlayn şəkildə oyun oynaya biləcək ya da Xbox-unuzda oynadığınız oyuna daha sonra kompüteriniz vasitəsilə davam edə biləcəksiniz.

Əməliyyat meneceri

Microsoft Windows 10, artıq bir neçə əməliyyatı yerinə yetirmək üçün çox əlverişlidir. Taskview funksiyası ilə birlikdə ekranda olan tətbiqləri sizə göstərir və aralarında asan keçid etməyiniz üçün ekranın alt hissəsində sıralama etmənizə və tətbiqlərinizi yerləşdirməyə imkan yaradır.

Yeni Başlat menyusu

Windows 10 ilə Microsoft-un bəlkə də ən müvəffəqiyyətli funksiyası olan başlat menyusu yeni funksiyalarla təqdim olunacaq. Üç qrupdan  ibarət yeni başlat menyusu, ən çox istifadə olunan proqramlar, enerji və istifadəçi seçimləri,  proqramlarınızı və Windows 8-də  olan canlı proqramları görəcəksiniz. Bu funksional başlat menyusu sayəsində ana səhifədə  olan sıxlıqdan xilas olmuş olursunuz.

Microsoft Bildiriş mərkəzi

Bu məlumat mərkəzi, telefonlarınızdakı  bildiriş ekranına bənzəyir. Sosial media hesablarınızdakı bildirişləri, e-poçt və sizin üçün əhəmiyyət daşıyan bildirişləri görə, bu ekranda həm də cihazı təyyarə rejimini aktivləşdirmək, bluetooth və ya Wi-Fi açıb bağlama kimi əməliyyatları da edə bilirsiniz.

Sensor ekrandan istifadə

Tabletlerimizdə və telefonlarımızda istifadəni rahatlaşdıran sensor ekranlarından istifadə də mümkün olacaq.  Microsoft bunu reallaşdırmaq  üçün təxminən 15 ilini sərf edib.  Ancaq kompüterdə sensor ekran çox daha çətin və bahalı olduğundan ancaq Surface tabletlərdə bunu təqdim edirdi. İndi isə Windows 10 ilə birlikdə kompüterlərimiz də sensor ekranlara malik olacaq və bununla da Microsoft, Apple-in bu an üçün təqdim etmədiyi bir yenilik ilə bir addım öndə olacaq.

Microsoft Hololens

Microsoft öz virtual real eynəyi Hololens-i də Windows 10 ilə birlikdə təqdim edəcəyini söyləmişdi. Windows 10 kompüterinə qoşulan virtual eynək ilə  elmi və fantastik görüntülərdən başqa sistemi də görüntüləmək olacaq.

Görünüş

Əvvəlki Windows versiyaları görünüş cəhətdən mükəmməl olmasa da, Windows 10-da yeni başlat menyusu, böyük yarlıqları və bildiriş mərkəzi kimi fərqli menyular istifadəçiyə çox gözəl görünüş bəxş edəcək.

                                                                                   Ağasəf Haqverdiyev