TƏDBİRLƏR

TQDK tərəfindən elan edilən 2015-2016-cı tədris ili üçün  ali və orta ixtisas təhsili müəssisəsi üzrə keçirilən qəbul imtahanlarına aid ən yaxşı yazı müsabiqəsinin qalibləri müəyyən olunub.

Xeberler.az qaliblərin adlarını təqdim edir:

I yer - 800 manat. Bu nominasiya üzrə Xeberler.az İKT portalının redaktoru Məltəm Talıbzadə qalib seçilib.

II yer - 600 manat. Bu mükafata "Üç nöqtə" qəzetinin əməkdaşı Xalid Kazımov layiq görülüb.

III yer - 400 manat. Müsabiqə komissiyası tərəfindən III yerə iki nəfər, yəni Lent.az xəbər portalının əməkdaşı Kəmalə Quliyeva və Trend.az xəbər portalının əməkdaşı İlhamə İsabalayeva layiq görülüb.

2015/2016-cı tədris ili üçün ali və orta ixtisas təhsili müəssisələrinə keçirilən qəbul imtahanlarına aid ən yaxşı televiziya reportajı nominasiyasında da mükafat fondu yuxarıdakı kimi bölünüb. Sadəcə bu nominasiya üzrə 3 yerə elə həmin sayda süjet təqdim edilib ki, Komissiya tərəfindən həmin süjetlər arasında qiymətləndirilmə aparılıb.

Ən yaxşı televiziya reportajı nominasiyası.

I yer - 800 manat. Bu nominasiyada İctimai televiziyanın əməkdaşı Ülviyyə Əlləzova qalib elan olunub.

II yer- 600 manat. Bu nominasiyada qalib Azərbaycan televiziyasının əməkdaşı Ramin Qurban seçilib.

III yer – 400 manat. Bu mükafata isə ATV-nin əməkdaşı Kərəm Ələsgərovun təqdim etdiyi reportaj layiq görülüb.

Xeberler.az olaraq qalibləri təbrik edir, işlərində uğurlar arzulayırıq.

Ruhəngiz Muradova