RYTN jurnalistlər arasında müsabiqə elan edir

01-11-2016 / 22:08

Azərbaycan Respublikası Rabitə və Yüksək Texnologiyalar Nazirliyi Azərbaycanda rabitənin 135 illik inkişaf tarixi ilə bağlı kütləvi informasiya vasitələrinin təmsilçiləri arasında yazı müsabiqəsini elan edir.
 
I. Mövzu:

"Azərbaycanda rabitənin 135 illik inkişaf tarixi- informasiya cəmiyyətinə keçid”
 
II. Mükafatlandırma

I yer - 1 nəfər - 1000 manat
II yer - 1 nəfər - 800 manat
III yer - 1 nəfər - 600 manat
Həvəsləndirici mükafat – 5 nəfərədək (hər biri) – 300 manat
Müsabiqədə yer tutacaq şəxslərin adları 2016-cı il dekabr ayının 6-dək açıqlanacaq.
 
III. Müsabiqə şərtləri
 
Materiallar mövzunu əhatə etməli;  

Fakt  və hadisələrin düzgün təhlili;

İfadə vasitələrinin zənginliyi nəzərə alınmalı;

Yazı informasiya tutumlu olmalı;

Müsabiqəyə 2016-cı ilin noyabr ayının 1-dən noyabr ayının 25-dək müddətdə qəzet, jurnal və informasiya agentliklərində, həmçinin xəbər saytlarında dərc olunan yazılar buraxılacaq;

Müsabiqə üçün dil məhdudiyyəti nəzərdə tutulmur;

Yazılar 8-10 min işarədən  çox olmamalı;

Yazıda ““ Azərbaycanda rabitənin 135 illik inkişaf tarixi- informasiya cəmiyyətinə keçid” mövzusunda keçirilən müsabiqəyə təqdim olunur” qeydi olmalıdır.

Müsabiqə üçün təqdim ediləcək material müəllifin çalışdığı KİV-də yayımlanmaya da bilər.
Müsabiqəyə təqdim edilmiş yazıların Azərbaycan Mətbuat Şurasının “qara siyahı”sında yer alan kütləvi informasiya vasitələrində yayımlanması yolverilməzdir.

IV. Yazıların təqdim edilməsi qaydaları

  • müsabiqə üçün yazılar [email protected] elektron poçt ünvanına göndərilə və ya ayrıca zərfdə (elektron məlumatlar diskə yazılmaqla) təqdim oluna bilər. Hər iki halda yazı təqdim edən şəxsin telefonu, elektron poçt ünvanı göstərilməlidir.

 
Təqdim olunmalıdır:

  • müsabiqə üçün verilmiş yazının dərc olunduğu qəzet və jurnalın 1 nüsxəsi;

 

  • qəzət və jurnalda nəşr olunmuş yazıların elektron forması (Times New Roman,14 şirift ölçüsü ilə müəllifin adı qeyd olunmamaqla);

 

  • elektron media resursunda yayımlanmış yazı Microsoft Word (Times New Roman,14 şirift ölçüsü ilə müəllifin adı qeyd olunmamaqla) formatında və yazının linki göstərilməklə;

 

  • yazı təqdim edən şəxsin kütləvi informasiya vasitəsində işlədiyini təsdiqləyən sənədin və şəxsiyyət vəsiqəsinin surəti;

 
Müsabiqə üçün yazılar 2016-cı il noyabr ayının 1-dən noyabr ayının 25-dək həftənin iş günləri saat 09.00-dan 18.00-dək Bakı şəhəri, Zərifə Əliyeva 77 ünvanında Rabitə və Yüksək Texnologiyalar Nazirliyi İctimaiyyətlə Əlaqələr sektorunda qəbul ediləcək.

 

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə