"Firefox”un növbəti, 13-cü versiyası Windows 2000, Windows XP və Windows XP \Service Pack 1-də işləməyəcək. Bu barədə şirkətin rəsmi bloqunda məlumat verilir(blog.mozilla.com). 2012-ci ilin iyunun 4-də istifadəyə veriləcək yeni brauzer Windows XP Service Pack 2 ilə və platformanın daha yeni versiyaları ilə çalışacaq.
İstehsalçılar "Firefox” un buraxmağı planlaşdırdığı kompyuterlərə tələbləri kəskinləşdirirlər. “Bu ən yeni mühitin hesabına Firefox məhsuldarlığını əhəmiyyətli dərəcədə yüksəltməyə imkan verəcə” – deyə şirkət bildirib.
Mozilla Windows XP istifadəçilərinə "Firefox 13”ün istifadəyə veriləcəyi müddətə qədər yenilənmə paketi, “Windows 2000” istifadəçilərinə isə ən yeni əməliyyat sistemi quraşdırmağı məsləhət görür.
Qeyd edək ki, Azərbaycanda 2001-ci ildə istifadəyə verilən Windows XP əvvəlki kimi bir çox şəxsi kompüterlərində mövcuddur. Ekspertlərin fikrincə, Windows XP 50% bazara sahib olan kifayət qədər məşhur əməliyyat sistemidir.
