Yeni nəsil elektron imzanın Azərbaycanda tətbiqi məsələləri müzakirə olunub

25-11-2021 / 18:15

Rəqəmsal İnkişaf və Nəqliyyat Nazirliyi (RİNN) yanında İctimai Şura və nazirliyin Məlumat Hesablama Mərkəzinin (MHM) nümayəndələri arasında görüş keçirilib.

Nazirlikdən Xeberler.az-a bildirilib ki, görüşdə müasir tələblərə uyğun yeni nəsil elektron imzanın Azərbaycanda tətbiqi məsələləri geniş müzakirə olunub.

İctimai Şuranın sədri Siruz Abasbəyli Azərbaycanda süni intellekt və müasir kibertəhlükəsizlik protokolları nəzərə alınmaqla elektron imza sertifikatının verilməsi və bu istiqamətdə beynəlxalq təcrübəyə əsaslanmağın zəruriliyini qeyd edib.

MHM-in direktor müavini İnarə Vəliyeva İctimai Şura üzvlərinə nazirlik tərəfindən ölkəmizdə bu istiqamətdə aparılan işlər haqqında məlumat verib. Direktor müavini bildirib ki, RİNN-nin innovasiyaların inkişaf etdirilməsi yönündə apardığı dövlət siyasətinin tərkib hissəsi olan elektron identifikasiya həlli vətəndaş məmnunluğunu artırmaqla yanaşı, rəqəmsal biznesin inkişafını da təşviq edəcək.

Görüşdə qeyd olunub ki, ölkəmizdə rəqəmsal transformasiya istiqamətində aparılan işlər, o cümlədən yeni nəsil elektron imza quruculuğu cəmiyyətin, eləcə də iqtisadiyyatın tələbidir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.