Gənclərin Elektron Hökumət portalından istifadəsi mövzusunda təlim keçirilib

26-06-2015 / 15:34

Rabitə və Yüksək Texnologiyalar Nazirliyi Məlumat Hesablama Mərkəzi və “Şəffaflıq Azərbaycan” Korrupsiyaya Qarşı Mübarizə İctimai Birliyi  iyunun 25-də “Elektron hökumət portalı: vətəndaş dövlət münasibətlərində yeni ünsiyyət platforması”  mövzusunda təlim  keçirib.

Birlikdən Xeberler.az-a verilən məlumta görə, təlimin məqsədi gənclərin elektron hökumət və elektron xidmətlər, dövlət reyestri, açıq hökumət və elektron hökumətin inkişaf perspektivləri və bu istiqamətdə gənclərin rolu ilə  bağlı bilik və bacarıqlarını artırılması olub.

Təlimdə  MHM-in şöbə müdiri İlqar Abdullayev elektron hökumətin formalaşdırılması, inkişaf mərhələləri və infrastrukturu haqqında danışıb.

İlqar Abdullayev eyni zamanda dövlət reyestri, açıq hökumət və elektron hökumətin inkişaf perspektivləri və bu istiqamətdə gənclərin rolu haqqında məlumat verib.

MHM-in şöbə müdiri Cəmşid Naxçıvanski elektron hökumət sisteminə qoşulmanın texniki-funksional sxemi, elektron xidmətlərin portala inteqrasiya olunması və Elektron hökumətin informasiya və şəbəkə təhlükəsizliyi sistemi haqqında çıxış edib.

Mərkəzin mütəxəssisi, Günay Hüseynova vətəndaşlar tərəfindən daha çox istifadə olunan elektron xidmətlər, elektron arayışlar barədə və bu arayışları tətbiq edən banklar barədə məlumat verib.

Növbəti sessiyada isə Milli Sertifikat Xidmətləri Mərkəzinin müdiri Arif Mayılov elektron imza infrastrukturu, ondan istifadə qaydaları, yeni nəsil şəxsiyyət vəsiqələrinin mahiyyəti və e-imzanın kütləviləşməsində yeni nəsil şəxsiyyət vəsiqələrinin rolu haqqında məlumat verib.

Seminarda  ekspertlər elektron hökumətin elektron xidmətləri ilə bağlı gəncləri maraqlandıran suallara cavab verib.
Gənclər universitetlərdə arayışların, eləcə də qiymət cədvəllərinin elektron şəkildə verilməsini təklif ediblər. Təlimin sonunda iştirakçıların hamısına pulsuz elektron imza sertifikatları hədiyyə olunub.

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.