“Xiaomi” şirkəti yuxunun keyfiyyətini yaxşılaşdırmağa imkan verən “Easy Air Brain Wave Sleeping Eye Mask” qurğusunu təqdim edib. Maska şəklində olan qurğu yuxuya daha tez getməyə və orqanizmin yaxşı istirahətinə şərait yaradır. Bu məqsədlə aksesuar istifadəçinin beyin fəaliyyətinin analizi üçün süni intellekt texnologiyalarından istifadə edir.
Xeberler.az bildirir ki, ICTnews Elektron Xəbər Xidmətinin məlumatına görə, maska beyin dalğalarını tutan və göz nahiyəsində yerləşən 3 elektrodla təchiz edilib. Əldə olunan məlumatlar münasib musiqinin səsləndirilməsi üçün süni intellekt alqoritmləri tərəfindən real vaxt rejimində analiz edilir. Melodiyanın səsi istifadəçi yuxuya gedən zaman tədricən azalmağa başlayaraq beyini rahatlayır, səhər isə yuxu fazaları nəzərə alınmaqla adi zəngli saatdan istifadədə olduğu kimi, stress yaratmamaq üçün rəvan şəkildə yüksəlir. Nəticədə insan özünü dincəlmiş və gümrah hiss edir.
“Easy Air Brain Wave Sleeping Eye Mask” kətan parçası kompozitinin əvəzedicisindən hazırlanıb, üst tərəf isə yüksək elastikli süngər formasındadır. Bu, normal hava ventilyasiyasının saxlanılmasına xidmət edir və maskadan ilin istənilən fəslində istifadəyə imkan verir. Çəkisi 50 qram təşkil edən qurğu işığın düşməsinin 99 faizinin qarşısını alır. Maskanın yumşaq hissəsini çıxarmaq və yumaq mümkündür.
Çində yeni “Xiaomi” qurğusunun təxmini qiyməti 36 dollar təşkil edir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri