Mastercard Naxçıvanda növbəti kampaniyaya başlayıb

08-11-2018 / 12:24

Qlobal ödəniş texnologiyalarının lideri sayılan “Mastercard” şirkəti “Sizin Market” və “Banu” supermarketləri ilə birgə Naxçıvanda yeni kampaniyaya start verib.

Xeberler.az  bildirir ki, Kampaniya çərçivəsində 20 AZN və ya daha yüksək məbləğdə alış-verişini “Mastercard” və ya “Maestro” kartları ilə ödəyən bütün müştərilər marketdə təklif edilən hədiyyələrdən birinə sahib olacaqlar. Hədiyyə almaq üçün “Mastercard” və “Maestro” kartlarının istifadəçiləri Müştəri Xidmətləri masasına yaxınlaşıb, əməkdaşlara ödəniş qəbzini təqdim etməlidirlər. Kampaniya noyabrın 8-dən bu ilin sonunadək davam edəcək. “Mastercard” və “Maestro” kartlarının sahibləri aksiyadan gündə bir dəfə yararlana bilərlər.

“Yerli bazarda uzunmüddətli öhdəliklərinin möhkəmləndirilməsi naminə Naxçıvanda bu kampaniyanı davam etdirməkdən qürur duyuruq. Mərkəzi Bankla birgə tərəfdaşlıq çərçivəsində həyata keçirilən Nağdsız Azərbaycan layihəmizi dəstəkləmək məqsədilə biz Azərbaycanda kart sahiblərimiz üçün mütəmadi olaraq stimullaşdırıcı kampaniyalar təşkil edirik. Biz, həmçinin, Naxçıvanda keçirilən ilk uğurlu kampaniyamızdan sonra şəhərdəki iki böyük supermarketlə əməkdaşlıq etməyə və burada bizim qlobal "world beyond" baxışımızı təqdim etməkdən məmnunuq”, - deyə “Mastercard”ın Azərbaycan üzrə meneceri Erdem Çakar bildirib.

Qeyd edək ki, “Sizin Market” supermarketi Naxçıvan şəhəri, Heydər Əliyev prospekti, 19, ünvanında, “Banu” supermaketi isə “Gənclər şəhərciyi”, blok 9, ünvanında yerləşir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.