TEXNOLOGİYA

“Microsoft  Azərbaycan-nın  o qədər də  bahalı olmayan innovativ  həlləri var. Biz bazara daha səmərəli İT həlləri təklif edirik”.

Bunu Xeberler.az-a  böhran vəziyyətində Microsoft Azərbaycan-nın fəaliyyətindən danışan şirkətin baş direktoru Rüfət Hacıəlibəyov deyib.

O , bu yaxınlarda Microsoft korporasiyasının Azərbaycanda yaradatdığı  İşçi Qrupu-nun görəcəyi işlər barədə də ətraflı məlumat verib.

 Onun sözlərinə görə, Microsoft-un Mərkəzi və Şərqi Avropa ölkələri üzrə baş meneceri Maykl Koqler  ilk dəfə Azərbaycanda olub və bizim İT layihələrə maraq  göstərib.

Rüfət Hacıəlibəyov  qeyd edib ki, son illərdə Azərbaycanın İT sektorundakı uğurları şirkətin marağını cəlb edib.

Belə ki, bundan sonra  şirkətlər qarşıqılı  şəkildə yeni İT layihələr üzərində çalışacaq:

“ Maykl Koqler hazırda Avropanın 26 ölkəsində Microsoft-un fəaliyyətinə cavabdehdir. Buraya Azərbaycan da daxildir.  Onunla Azərbaycanın dövlət qurumlarında istifadə olunan Microsoft proqram təminatlarının lisenziyalaşdırılması və bu məsələdə Rabitə və Yüksək Texnologiyalar Nazirliyinin tərəfdaş kimi çıxış etməsi, elektron imza alqoritmlərində yeni texnologiyaların tətbiqi kimi məsələlər müzakirə olundu”.

Rüfət Hacıəlibəyovun sözlərinə görə, Maykl Koqler bildirib ki, Microsoft Azərbaycanla əməkdaşlığa və bu əməkdaşlığın genişləndirilməsinə maraqlıdır:

“Şirkət rəsminin gəlişin əsas məqsədi bizim bazar barədə araşdırma aparıb, ətraflı məlumat almaq idi. Görüşdə bizə və ona maraqlı olan layihələrdən danışdıq.  O, İT bazarımızın fəaliyyətini yüksək dəyərləndirdi və qeyd etdi ki,  bizimlə birgə yeni İT həllər –layihələr üzərində çalışacaq ”.

O qeyd edib ki, ona görə belə qurupun yaradılmasına qərar  verilib ki, böhran çərçivəsində mövcud vəziyyət araşdırılısın və əməkdaşlığın perspektivləri ilə bağlı konkret təkliflər hazırlansın .

Direktor  deyib ki, Microsoft  ilə birgə daha böyük layihələr üzərində çalışmaq niyyətindədirlər və ölkəmizə böhran vəziyyətində daha səmərəli həllər təklif edəcəklər. Həmçinin proseslərin daha da sürətləndirilməsi  və İT bazara daha çevik alternativ həllər təklif edilməsi də proritet istiqamətlərdəndir. Hazırda bu istiqamətdə işlər davam edir.

Murad Məmmədzadə