Microsoft Bakıda proqramçıları bir araya topladı

28-02-2017 / 10:28

Microsoft Azerbaijan şirkəti Bakıda proqramçılar, həllər işləyib hazırlayan developerlər və proqram təminatı üzrə müstəqil təchizatçılar üçün ikigünlük seminar təşkil edib.

Şirkətdən Xeberler.az-a verilən məlumata görə, seminarın məqsədi – “Made in Azerbaijan” məhsullarının yaradılması və Azərbaycanın əqli ixrac potensialının daha da artırılmasıdır.

Tanışlıq xarakteri daşıyan seminar çərçivəsində gənc developerlər yeni proqram təminatının işlənib hazırlanması üçün həll yaratmaq imkanları haqqında və mövcud olan proqramların inkişaf etdirilməsi haqqında ətraflı məlumat əldə ediblər və Microsoft  şirkətinin “DevOps”, “Visual Studio 2017”, “.Net Core” və digər məhsul, xidmət və həlləri ilə tanış olublar.

Bundan başqa, Microsoft şirkətinin geniş təcrübəyə malik təlimçisi Anton Şunkovun məsləhətlərindən faydalanmış seminar iştirakçılarına transformasiya imkanları və Microsoft-un həllərin işlənməsinə dair ümumi baxışı nümayiş olunub. Təlimçi eyni zamanda, “Microsoft” platformasının və şirkətin developerlər üçün təklif etdiyi sertifikatların üstünlükləri barədə də ətraflı məlumat verib.

İkigünlük seminar zamanı Microsoft şirkətinin bulud həlləri, Bulud-un işlənib hazırlanması, Azure platformasında inkişaf mühiti və müvafiq platformaya şəxsi həllin miqrasiyası məsələləri müzakirə olunub. Tədbirdə tətbiqlərin (iOS, Android, Windows və bulud) ərsəyə gətirilməsi məsələsi, eyni zamanda, Windows Store-da mövcud olan universal tətbiqlər nəzərdən keçirilib.

Seminar yenicə proqramçı olmağa hazırlaşanlar, peşəkar karyerasının başlanğıcında olanlar və ya proqram təminatı hazırlanması sahəsində ixtisaslaşmaq istəyənlərin yüksək marağına səbəb olub.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.