Regional e- hökumət məsələləri yenidən müzakirəyə çıxarılacaq

26-05-2017 / 12:11

İyunun əvvəli Vətəndaşlara Xidmət və Sosial İnnovasiyalar üzrə Dövlət Agentliyi yanında Elektron Xidmətlərin Təşviqi üzrə İctimai Şuranın toplantısı keçiriləcək.

İctimai Şuranın kordinatoru Osman Gündüz Xeberler.az-a bildirib ki, toplantıda yerli icra orqanlarının rəsmi internet resurslarına verilən tələblər, onların göstərdiyi sosial əhəmiyyətli və populyar olan xidmətlərin elektron formaya keçirilməsi ilə bağlı məsələlər müzakirə olunacaq.

Həmçinin, iclasda yerli icra orqanlarının ictimai və sosial əhəmiyyət kəsb edən xidmətləri haqqında məlumat təqdim olunacaq.

Maraqlı tərəflərin iştirakı ilə keçirilməsi nəzərdə tutulan toplantının yekununda yerli icra orqanlarının rəsmi internet resurslarının strukturu və burada açıqlanması məcburi olan ictimai əhəmiyyətli informasiyaların siyahısı, həmçinin də ilk növbədə elektron formaya keçirilməsi nəzərdə tutulan yerli dövlət xidmətlərlə bağlı Təkliflərin hazırlanaraq hökumətə təqdim edilməsi nəzərdə tutulub.

Ötən il İctimai Şuranıın toplantısında regionlarda elektron hökumət quruculuğu məsələsi müzakirə edilərək Təkliflər hazırlanıb və hökumətə təqdim edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.