TƏDBİRLƏR

Mərkəzi Asiyada keçirilən ən böyük İT tədbirlərindən TechConnect konfransı bu il Qazaxıstanda  baş tutacaq.

Xeberler.az-ın məlumatına görə, noyabrın 12-də keçiriləcək tədbirə Astana şəhəri ev sahibliyi edəcək.

Konfransda  Mərkəzi Asiya, Amerika, Avropa və MDB ölkələrindən 150 investor, 150 ən yaxşı startapçı və 1500 nəfərin  iştirakı gözlənilir.

Qeyd edək ki, tədbir Qazaxıstanın prezidenti Nursultan Nazarbayevin “Qloballaşan dünyada Qazaxıstanın gələcəyi” məruzəsi ilə başlayacaq.

Konfransa dünyada investisiya və  innovasiya sahəsində  tanınan  45  ekspert dəvət olunub. Çıxış edəcək mütəxəssislərlə bağlı buradan ətraflı məlumat əldə  bilərsiniz. 

Konfransın müxtəlif panellərində isə İT  şirkətlərin və startapların Qazaxıstanın  Baş naziri və digər dövlət rəsmiləri ilə görüşləri nəzərdə tutulub.

Həmçinin , konfrans çərçivəsində təşkil olunmuş sərgidə müxtəlif ölkələrdən olan startaplar  öz layihələrini nümayiş etdirəcəklər.

Konfransda  təşkil olunan “Startap Battle” ( Startapların döyüşü) müsabiqəsində qalib layihə 15 min dollar qazanacaq.

Qeyd edək ki, hazırda istənilən  startap layihəsi buradan qeydiyyatdan keçərək müsabiqə üçün müraciət edə bilər. Münsiflər tərəfindən seçilmiş 10 startap Astanaya pulsuz təyyarə bileti və orada yerləşdirilmə imkanı qazanacaqlar. Həmçinin, seçilmiş startaplar Silikon Vadi-də çalışan mentorların təlimlərində də iştirak etmək şansını əldə edəcək.

Konfrans Qazaxıstan Respublikasının İnvestisiya və İnkişaf Nazirliyi,Texnoloji İnkişaf üzrə Milli Agentlik, beynəlxalq biznes accelerator şirkəti Happy Farm-ın təşkilatçılığl ilə keçirilir. 

Məltəm Talıbzadə