Erməni dilində TV açılması üçün Türkiyə Xarici İşlər Nazirliyindən də razılıq alınıb
Türkiyənin TRT kanalı kürd dilində telekanalın açılmasından sonra Türkiyə tarixində daha bir ilki gerçəkləşdirmək istəyir. ANS PRESS-in Türkiyənin "Yeni Asır" qəzetinə istinadən verdiyi məlumata görə, TRT 2009-cu ilin sonundan fəaliyyətə başlayacaq erməni dilində TV üçün hazırlıq işləri görür. Bunun üçün Türkiyə Xarici İşlər Nazirliyindən də razılıq alınıb.
TRT-nin fevral ayında fəaliyyətə başlayacaq erməni dilində radio və veb saytı da, telekanalının yaradılması üçün baza rolunu oynayacaq. Telekanalda Ara Gevorgian, Tata, Nune Yesayan, Andre, Siruşo kimi erməni musiqiçilərinin mahnıları ilə yanaşı Türkiyədə erməni dilində mahnılar oxuyan qruplar da çıxış edəcək. Xaraktercə ailə kanalı kimi fəaliyyət göstərəcək telekanalda Türkiyə və Ermənistanda baş verən ən son hadisələr yer alacaq. Kanalın 2009-cu ilin sonlarında yayımlanacağı planlaşdırılır. Peyk vasitəsilə yayımlanacaq kanalı Türkiyədəki ermənilərlə yanaşı, Ermənistanda yaşayanlar da izləyə biləcək.
TRT-nin prezidenti İbrahim Şahin, kanalın bundan sonra bütün insanları cəlb edəcəyini bildirib: "TRT ekranlarında bütün təbəqələrdən insanları görə bilərsiniz. Şiə, kürd, erməni, demokrat, mühafizəkar, liberal. Bu cəmiyyət hansı zənginliklərə sahibdirsə, biz onu işıqlandırmağa məcburuq. Hazırda Türkiyədə, Türkiyə vətəndaşı olan ermənilərin sayı 60-70 min nəfərdir". ANS PRESS
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri