Yeni telekanalın kadr məsələsi gündəmdə

25-03-2009 / 15:00

Milli Televiziya və Radio Şurası (MTRŞ) \"Televiziya və radio yayımı haqqında\" qanunun 14.1, 29.2-ci maddələrinə və \"Milli televiziya və radio yayımı haqqında əsasnamə\"nin 7.3-cü, 8.1-ci bəndlərinə uyğun olaraq 6 il müddətinə xüsusi razılıq (lisenziya) verilən\"ATV-İnternational\" (ATV İNT) televiziya kanalı üçün yeni bina tikiləcək. 
   
Bəs görəsən, bu telekanalda çalışmaq üçün müxtəlif dilləri bilən mütəxəssis tapmaq çətin olmayacaq ki?.. Ələlxüsus da erməni dilini bilən peşəkarları tapmaq asan görünmür.
  
Erməni Araşdırmaları Mərkəzinin rəhbəri Qafar Çaxmaqlı hesab edir ki, Azərbaycan Respublikasının vətəndaşı olub Dağlıq Qarabağda, Bakı şəhərində və digər yerlərdə yaşayan etnik ermənilər üçün erməni dilində proqramların, verilişlərin verilməsi çox normal haldır: \"Biz erməni və digər dillərdə proqramlar verməklə Azərbaycan həqiqətlərini daha geniş yaya bilərik\".
   
 O, Türkiyənin \"TRT\" kanalında analoji təcrübənin olduğunu da xatırladıb: \"Erməni saxtakarlığı, erməni yalanları, \"soyqırım\" iddialarını ifşa etmək, bunlara cavab vermək üçün onların dilində veriliş açılması lazımdır\".
   
Q.Çaxmaqlı \"ATV-İnternational\" telekanalına işçilərin cəlbi ilə bağlı rəhbərlik etdiyi quruma müraciət olmadığını əlavə edib: \"Bu, təzə bir məsələdir, bir həftə deyil ki açıqlanıb. Yəqin, bu məsələ ilə bağlı bizə müraciət olunacaq və telekanalın açılmasında iştirak edəcəyik. Şəxsən məndən söhbət getmir. Söhbət Erməni Araşdırmaları Mərkəzinin ətrafında toplaşan, erməni dilini bilən, həm də peşəkarlıq - jurnalistlik qabiliyyəti olanlardan gedir\".
   
Q.Çaxmaqlı deyib ki, yeni telekanalda çalışmaq üçün ölkədə erməni dilini bilən yetərincə adam tapmaq olar: \"Seyran Ohanyanın təbirincə desək, düşmənin dilini bilmək ən böyük üstünlüyümüz olardı. Ancaq müəyyən mütəxəssis qıtlığı hiss edilir\".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.