İyulun 28-dən hələlik tam məlum olmayan səbəblərdən fəaliyyətini dayandırmış "Milaz.info" saytı bu gün saat 14.15 radələrindən işləməyə başlayıb. Bu dövrdə sayta bir həftə ərzində (iyulun 21-dən 28-dək) yerləşdirilmiş xeyli sayda məqalə, müsahibə, xəbər və şərhlər isə saytdan silinib. Bu barədə RATİ-yə saytın baş redaktoru Cəsur Sümərinli məlumat verib. Onun sözlərinə görə, bu kimi hal indiyədək dəfələrlə təkrarlanıb. "Düşünürdük ki, bu texniki bir məsələdir. Amma bizə çatan mesajlardan hiss etdik bəzi dairələr bu kimi saytın fəaliyyətində maraqlı deyillər. Saytımıza müxtəlif ünvanlardan olan basqılar da göstərir ki, problem heç də texniki xarakterli deyil. Yəqin ki saytımızda vaxtaşırı dərc olunan tənqid xarakterli məlumatlar kimlərinsə xoşuna gəlmir", - deyə C. Sümərinli bildirdi.
Ümumdünya internet şəbəkəsində daha bir axtarış sistemi artıb. İyulun 28-dən, Google şirkətinin keçmiş əməkdaşları tərəfindən yaradılmış, Cuil adlanan axtarış sistemi işə başlayıb. Yaradıcılar əmin edirlər ki, yeni axtarış sistemi 120 milyarddan ibarət ən böyük indeksləşdirilmiş resurslar bazasına malikdir. Ekspertlər, yeni layihənin bazar liderlərini sıxışdırma şanslarını bədbinliklə qiymətləndirirlər. Yeni Cuil.com axtarış sistemi, Google şirkətinin bir qrup keşmiş əməkdaşları – Tom Kostello, onun həyat yoldaşı Anna Peterson, Rassel Paurer və Lui Monye tərəfindən yaradılıb. Sözügedən axtarış sisteminin indeksində 120 millyard səhifə mövcuddur. Bu da Cuil təsisçilərinin qiymətləndirməsinə görə, Google bazasından üç dəfə çoxdur.
ABŞ-ın Milli Aerokosmik Agentliyi (NASA) amerikalı alim, «İnternetin atası» adlandırılan Vinton Serflə birlikdə 2010-cu ilə qədər kosmik aparatlarda tətbiqi mümkün olan ləngimələrə davamlı şəbəkələr (DTN, Delay tolerant networking) konsepsiyası üzərində işi yekunlaşdıracaqlar. Lenta-nın məlumatına görə, həmin vaxta qədər DTN şəbəkəsinin ABŞ-ın «Ayın mənimsənilməsi proqramı» nda istifadə olunan avtomat cihazlarda və kosmik aparatlarda tətbiqi də mümkün olacaq.
Computerworld-un verdiyi xəbərə görə, Mozilla şirkətinin yeni layihələr üzrə vitse prezidenti Mayk Şropfer, Facebook sosial şəbəkəsinin yeni layihələr üzrə direktoru olacaq. Firefox brauzerinin hazırlanması və inkişafı ilə məşğul olan Mayk Şropfer Mozilla şirkətinə gələnə dək, Sun Microsystems şirkətində verilənlərin emalı və avtomatlaşdırılması mərkəzinin direktoru vəzifəsində çalışıb.
Regionlarda 1 Gbs həcmində «AzDataKom» şəbəkəsinin yaradılması üzrə işlər davam etdirilir. Rabitə və İnformasiya Texnologiyaları Nazirliyindən AzərTAc-a bildirmişlər ki, artıq «AzDataKom» şəbəkəsinin birinci fazası üzrə işlər uğurla başa çatdırılmışdır. Nəticədə Bakı və Sumqayıt şəhərlərinin ATS-ləri vahid şəbəkəyə birləşdirilmiş, 10 Gbit/saniyə sürətli informasiya mübadiləsi üçün imkan yaradılmışdır.
iyulun 29-da Şəki Şəhər İcra Hakimiyyətinin akt zalında qurumun rəsmi internet səhifəsi təqdim olunmuşdur. Mərasimdə şəhər icra hakimiyyəti başçısının müavini Zərinə Cavadova yeni “veb-səhifə”nin açılmasını Şəkinin ictimai-siyasi və mədəni həyatında çox əlamətdar hadisə kimi qiymətləndirmiş, “aztelekom.net” internet provayderinin Şəki bölgəsi üzrə mütəxəssislərinə minnətdarlığını bildirmişdir. Şəhər icra hakimiyyətinin baş mütəxəssisi Sahib Əlişanbəyli zalda quraşdırılan monitorun köməyi ilə yeni internet səhifəsinin xüsusiyyətləri barədə məlumat vermişdir.
Rabitə və İnformasiya Texnologiyaları Nazirliyindən AzərTAc-a bildirmişlər ki, Məlumat- Hesablama Mərkəzi “Elektron imza”nın tətbiqi üçün Milli Açıq Açar İnfrastrukturunun (PKİ) qurulmasına dair açıq tender keçirir. Qeyd edək ki, informasiya cəmiyyətinin inkişafı üzrə “Elektron imza” sisteminin tətbiqi istiqamətində beynəlxalq təcrübə öyrənilmiş, müvafiq qanunvericilik bazası, normativ sənədlər hazırlanmış, Türkiyənin Telekommunikasiya Qurumu ilə “Elektron imza” sahəsində əməkdaşlığa dair niyyət protokolu imzalanmışdır.
Bu ilin birinci yarısında Azərbaycanın telekommunikasiya və poçt müəssisələri tərəfindən hüquqi və fiziki şəxslərə faktiki qiymətlərlə 423,4 mln. manatlıq və ya əvvəlki ilin yanvar-iyun ayları ilə müqayisədə 37,3% çox rabitə xidməti göstərilib. Dövlət Statistika Komitəsinin məlumatına görə, xidmətlərin 79,3%-i bilavasitə əhaliyə göstərilib. Əldə olunan gəlirlərin 71,3 %-i mobil telefon rabitəsindən yaranıb və 2007-ci ilin yanvar-iyun ayları ilə müqayisədə bu xidmətlərin həcmi 42,2% çoxalıb.
“Jurnalistlərin İKT bacarıqlarının artırılmasına dəstək” layihəsi Multimedia Mərkəzi tərəfindən “Jurnalistlərin İKT bacarıqlarının artırılmasına dəstək” Layihəsi çərçivəsində növbəti Treninq keçirilib.
Предложения Интернет-форума Азербайджана по снижению цен на Интернет-услуги в стране так и остались нереализованными. Об этом заявил журналистам президент Интернет-форума Азербайджана Осман Гюндюз.
Microsoft şirkəti Facebook sosial şəbəkəsi ilə axtarış və kontekst reklam üzrə yeni sazişin imzalanması barədə elan edib. Sazişin şərtlərinə əsasən, Facebook Microsoft Live Search axtarış servisini öz saytında yerləşdirəcək və axtarışın nəticələrində Microsoft-un reklamlarını təqdim edəcək.
Çində mobil rabitə abunəçilərinin sayı 601 milyon nəfər təşkil edib. Cəmi, ilin əvvəlindən bu ölkədə mobil rabitə abunəçilərinin sayı 53,5 milyon nəfər artıb. İyun ayında mobil şəbəkəyə 8,63 milyon abunəçi qoşulub.
Biz artıq dünyada ən tanınmış axtarış sistemləri arasında baş verən sərt mübarizələrə öyrəşmişik. Bizlər, Google, Yahoo, MSN, Altavista, AOL və digərlərinin, bazarın hətda balaca hissəsi uğrunda ciddi döyüşlərə belə hazır olmalarına vərdiş etmişik. Ötən gün Hitwise şirkəti, ABŞ-da ən tanınmış axtarış sistemləri siyahısını yeniləşdirib. Hesabat ayı kimi, iyun ayı götürülüb.
Biri-birinin ardınca sayca 7-ci uğursuz rübdən sonra Advanced Micro Deviced (AMD) şirkəti baş direktor Qektor Ruizin hazırda prezident və baş əməliyyat direktoru Dirk Meyerlə əvəz olunması qərarına gəlib. Q.Ruiz isə öz növbəsində icraçı səlahiyyətli direktorlar şurasının sədri vəzifəsinə təyin olunub.
«Microsoft Windows Vista» və «MS Office-2007» əməliyyat sistemlərinin Azərbaycan dilinə tərcüməsi başa çatdırılıb. «Sinam» şirkətinin prezidenti Elçin Əliyevin verdiyi məlumata görə, şirkət üzərinə düşən bütün işləri artıq yekunlaşdırıb: «Hesab edirəm ki, əməliyyat sistemi və ofis paketinin Azərbaycan dilinə lokallaşdırılmış versiyaları yaxın zamanda geniş ictimaiyyət kütləsinə təqdim olunacaq».
Cari ilin sonunadək dünya əhalisinin təxminən dörddə bir hissəsi, yəni 1.4 milyarda yaxın insan müntəzəm qaydada İnternet Şəbəkəsindən istifadə edəcək. Bu göstəricilər IDC şirkətinin yeni araşdırmalarında qeyd olunub. 2012-ci ilədək isə Şəbəkə imkanlarından, 1.9 milyarddan çox, yəni dünya əhalisinin təxminən 30% bəhrələnəcək.
Britaniya polisi, internet vasitəsi ilə 12 milyon dolların oğurlanmasında günahlandırılan, yenizellandiya xakeri Ouen Tor Uokerin istedadını xeyirli işə yönəltmək qərarına gəliblər. İndi xaker, “ümumdünya torunda” baş verən cinayətləri araşdıran bölmədə çalışacaq.
Layihənin rəhbəri Osman Gündüz Layihə haqqında və Layihə çərçivəsində keçiriləcək məşğələlərin mövzuları və Trenerlər haqqında Jurnalistlərə məlumat verib. O, Layihənin əsas məqsədinin jurnalistlərin peşəkarlığının artırılmasına köməklik göstərmək, İnformasiya Cəmiyyətinin tələblərinə cavab verən jurnalistlər hazırlamaq, media subyektlərinin fəaliyyətini müasir tələblər baxımından təkmilləşdirmək üçün metodiki–informasiya dəstəyi verməkdən ibarət olduğunu qeyd edib. Mətbuat Şurasının sədr müavini Umud Rəhimli , BDU –nun Mətbuat Tarixi kafedrasının müdiri Cahangir Məmmədli və ekspert Azər Həsrət çıxış edərək Jurnalistlərin peşəkarlığı üçün İKT bacarıqlarına malik olmağın mühüm əhəmiyyət kəsb etdiyini bildiriblər və onlara Treninqlərdə uğurlar arzulayıblar.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları