TƏDBİRLƏR

  Avropa litseyi  tədrisdə İnformasiya kommunikasiya texnologiyaları vasitələrinin səmərəli tətbiqi üçün xüsusi avadanlıqla təchiz olunub. Bu barədə Təhsil Nazirliyindən məlumat verilib.

  Məlumatda deyilir ki, avadanlıqlar Azərbaycan Respublikasının Prezidentinin 10 iyun 2008-ci il tarixli Sərəncamı ilə təsdiq edilmiş “2008-20012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində Avropa litseyinə təqdim olunub.

  Təqdim olunmuş avadanlıq dəstində noutbuk, proyektorla yanaşı elektron löhvə də vardır. Müasir texnologiyaların təhsildə istifadəsini genişləndirən elektron löhvə, tədris prosesini təmamilə yeni səviyyədə qurmağa imkan yaradır. 

  İKT avadanlığı Avropa litseyinə “Elektron məktəb” pilot layihə çərvivəsində verilmişdir. Az bir müddət ərzində pilot layihələdə iştirak edən daha doqquz Bakı məktəbi İKT avadanlığı ilə təchiz olunacaq.

 Pilot layihə 20, 6, 60, 160, 134, 8, 23, 7 saylı məktəbləri, həmçinin Avropa litseyi və akademik Z.Əliyeva adına litseyi əhatə edir. Layihə çərçivəsində həmin məktəblər fiberoptik kabel vasitəsi ilə yüksək sürətli internetə və Məlumat və Resurs Mərkəzinə çıxışla təmin ediləcək.

xeberler.az/Ellada