TƏDBİRLƏR

“Elektron Təhsil” Respublika müsabiqəsinin nominantları müəyyən eilmişdir. Ekspertlərin  və Münsiflərin qiymətləndirməsi əsasında 810 iddiaçı layihədən 89 nominant seçilmişdir.  Təhsil Nazirliyinin Təhsil sisteminin informasiyalaşdırılması idarəsindən verilən xəbərə görə, müsabiqənin beş nominasiyası üzrə qaliblər həmin 89 nominant sırasından seçiləcəkdir.

2010-cu il Təhsil Nazirliyi tərəfindən elan edilmiş “Təhsildə İKT ili”-nin əsas fəaliyyətlərindən biri olan, “2008-2012-ci illərdə təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən müsabiqə Microsoft Azərbaycan, Intel korporasiyasının “Gələcək üçün təhsil” proqramı, AZEDUNET, Ultra, Azerfon-Vodafone, HP, MƏDƏD təşkilatları tərəfindən dəstəklənir.

Müsabiqə “Müasir məktəbdə elektron tədris resursları” və “Təhsildə İnternet texnologiyaları" istiqamətləri üzrə təşkil olunmuşdur.

“Müasir məktəbdə elektron tədris resursları” istiqaməti üzrə “fənlərin tədrisində İT-dən istifadə üzrə ən yaxşı  metodika”  nominasiyası üzrə 29, “ibtidai təhsil sistemində İT-dən istifadə üzrə ən yaxşı metodika” nominasiyası üzrə – 15, “elektron tədris  vəsaitlərindən istifadə edilməklə qurulan tədris prosesinin ən  yaxşı  modeli” nominasiyası üzrə isə 28 layihə qalib gəlməyə iddiaçıdır.

“Təhsildə İnternet texnologiyaları" istiqaməti üzrə “təhsildə internet resursları” nominasiyası üzrə - 10, “müəllimlərin bloqları” arasında isə - 7 layihə nominantdır. // xeberler.az/Ellada