Elektron Təhsil Respublika Müsabiqəsinin nominantları seçilib

06-06-2010 / 01:06

Təhsil Nazirliyini keçiridiyi Elektron Təhsil Müsabiqəsinin təşkilat komitəsi bildirib ki, Ekspertlərin  və Münsiflərin qiymətləndirməsi əsasında Müsabiqənin Nominantları  seçilib.  
Müsabiqəyə  təqdim olunan 810 Layihədən  cəmi 89 Layihə Müsabiqənin Nominantı seçilərək mübarizəni  davam etdirmək imkanı qazanıblar . Təşkilat Komitəsinin qərarı ilə 1-ci Nominasiya üzrə 29 , 2-ci Nominasiya üzrə - 15 , 3-cü  Nominasiya üzrə 28, 4-cü Nominasiya üzrə 7 və nəhayət  5-ci Nominasiya  üzrə 10    Nominant yeri müəyyən olunub.

Elektron Təhsil  Müsabiqəsinin  qalibləri  səsvermənin sonuncu - 3-cü mərhələsində müəyyən olunacaq. Bu mərhələ  15 iyun 2010-cu il tarixədək yekunlaşacaq. Münsiflər Heyəti bu mərhələdə  hər bir Nominasiya üzrə Nominant resurslar arasından .mövcud Kriteriyalar və qiymətləndirmə prinsipləri əsasında  qalibləri  seçəcəklər .  Bu müddət ərzində qeydiyyatdan keçən iştirakçılar  Nominant elan olunan  resurslar haqqında  öz rəylərini və şərhləri  yaza bilərlər.

Qaliblərin mükafatlandırılmasından ibarət olan yekun Təqdimat mərasiminin iyun ayının 20-dək keçirilməsi nəzərdə tutulub.

Elektron Təhsil Respublika  Müsabiqəsinin N O M İ N A N T LA R I aşağıdakılardır :

--Fənlərin tədrisində İT-dən istifadə üzrə ən yaxşı metodika (29)

--İbtidai təhsildə İT-dən istifadə üzrə ən yaxşı metodika (15)

--İKT-dən istifadə edilməklə qurulan tədris prosesinin ən yaxşı modeli (28)

--Müəllimlərin bloqları (7)

--Təhsildə İnternet resurslar (10)

Bu ilki Müsabiqə “Təhsildə İnternet texnologiyalar" və “Müasir məktəbdə elektron tədris resursları” istiqamətləri üzrə təşkil olunur. Müsabiqənin keçirilməsində əsas məqsəd elektron tədris resurslarından, internet texnologiyalardan  tədris prosesində istifadəni populyarlaşdırmaq, bu sahədə təhsil ictimaiyyətini məlumatlandırmaq, tədris məqsədləri üçün İnternetdən istifadənin yeni formalarını üzə çıxarmaq, tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir.

 

 Jalə Nəcəfova

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə