Elektron Təhsil Respublika müsabiqəsinin qeydiyyat prosesi yekunlaşır

23-05-2010 / 12:34

Elektron Təhsil Respublika müsabiqəsinin Təşkilat Komitəsi  bildirir ki, Müsabiqəyə  təqdim edilən resursların qeydiyyatı prosesi  21 may 2010-cu il tarixində başa çatıb. 22 may 2010-cu il tarixdən etibarən qeydiyyatdan keçən resursların  2-ci mərhələ üzrə qiymətləndirilməsi prosesi başlayıb. Bu mərhələdə  Münsiflər heyəti  və TK-nın  formalaşdırdığı  ekspertlər tərəfindən resursların ilkin qiymətləndirilməsi aparılacaq.

Müsabiqədə 5 Nominasiya üzrə 810 resurs qeydiyyatdan keçib.

İlkin qiymətləndirmədə  resurslara yazılan şərhlərdən də istifadə edilə bilər. İlkin qiymətləndirmənin yekunu olaraq hər bir  Nominasiya üzrə Nominantlar müəyyən ediləcək. TK-nin qərarına  müvafiq olaraq Elektron Tədris Resursları istiqaməti üzrə  Fənlərin tədrisində İT-dən istifadə üzrə ən yaxşı metodika Nominasiyası üzrə ən çox bal toplayan  25,  İbtidai təhsildə İT-dən istifadə üzrə ən yaxşı metodika Nominasıyası üzrə 15,  İKT-dən istifadə edilməklə qurulan tədris prosesinin ən yaxşı modeli Nominasiyası üzrə 25 , Təhsildə İnternet texnologiyalar istiqaməti üzrə Müəllimlərin bloqları Nominası üzrə 5 Nominant və Təhsildə İnternet resurslar Nominasıyası  üzrə 6 Nominant seçiləcək.

Beləliklə Səsvermənin 3-cü mərhələsində cəmi 76 resurs mübarizəni  davam etdirəcək.

Xatırladaq ki, 2-ci mərhələ üzrə səsvermə 31 may 2010-cu il tarixdə yekunlaşacaq, Nominantların siyahısı elan olunacaq. Səsvermənin 3-cü mərhələsi 7 iyun tarixdən başlayacaq və qaliblər müəyyən ediləcək.

Qaliblərin mükafatlandırılması mərasimin  iyunun 2-ci ongünlüyündə keçirilməsi nəzərdə tutulub.

Mənbə: musabiqe.edu.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə