“1000 məntəqədə videokamera quraşdırılıb”

22-10-2015 / 10:36

“Mərkəzi Seçki Komissiyasını ölkə ərazisindəki mövcud 124 seçki dairəsi ilə birləşdirən optik xətlər, eyni zamanda rabitə təhlükəsizliyinin təmin olunması məqsədilə ehtiyat optik xətt çəkilib, 1000 məntəqə videokameralarla təchiz edilib”

Xeberler.az-ın məlumatına görə, bunu rabitə və yüksək texnologiyalar nazirinin müavini İltimas Məmmədov mətbuat konfransında deyib.

Qeyd edək ki, dünən Rabitə və yüksək texnologiyalar naziri Əli Abbasov və Mərkəzi Seçki Komissiyasının (MSK) sədri Məzahir Pənahov MSK-nın inzibati binasında seçkilər ərəfəsində veb-kameralarla bağlı son hazırlıq işləri ilə tanış olublar. Nazir daha sonra binada  təşkil olunan mətbuat konfransına qatılıb.

Nazir Əli Abbasov  seçkilərdə rabitə və informasiya texnologiyalarından istifadə olunmasının  ölkəmizdə seçki sisteminin təkmilləşdirilməsi, onun informasiya təminatının müasir tələblər səviyyəsində qurulması, seçki prosesində aşkarlığın və şəffaflığın təmin olunmasına xidmət etdiyini vurğulayıb.

Nazir müavini İltimas Məmmədov  bildirib ki,  veb-kameralar vasitəsilə internet istifadəçiləri istər ölkə daxilindən, istərsə xaricdən MSK-nın internet səhifəsinə daxil olaraq səsvermə prosesini, səslərin sayılması, nəticələrin müəyyənləşdirilməsini və nəticələr haqqında rəsmi protokolların hazırlanmasını arasıkəsilmədən canlı müşahidə etmək imkanı əldə edir.

Onun sözlərinə görə,bütün məntəqələrin telefonlaşdırılması, məlumatların aşağı seçki komissiyaları tərəfindən yuxarı seçki komissiyasına ötürülməsinin onlayn rejimdə həyata keçirilməsi təmin edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.