Avropa bankları yeni virusa görə milyonlar itirir

16-10-2015 / 16:54

Britaniya Milli Cinayətkarlıqla Mübarizə Agentliyinin (National Crime Agency) mütəxəssisləri yeni virusun yayılması barədə məlumat veriblər.

Xeberler.az xarici mətbuata istinadən bildirir ki, virusun köməyi ilə fırıldaqçılar artıq britaniyalıların bank hesablarından 20 milyon funt-sterlinq oğurlaya biliblər.

Bir neçə adla (Dridex, Bugat və Cridex) tanınan yeni virus Şərqi Avropa hakerləri tərəfindən bank müştərilərinin məxfi məlumatlarının ələ keçirilməsi məqsədilə hazırlanıb. Bununla əlaqədar agentlik əməkdaşları onlayn bankçılıq xidmətlərindən istifadə edənləri kompüterlərdə antivirus proqramlarını mütəmadi yeniləməyə çağırır.

Adətən virus qurğulara bankın rəsmi məktubu adı ilə yoluxdurulmuş elektron məktublar vasitəsilə nüfuz edir və məktublara əlavə olunan sənədlərdə saxlanılır. İlkin qiymətləndirməyə görə, təkcə Britaniyada minlərlə kompüter bu virusa yoluxub.

Agentlik əməkdaşları digər ölkələrin xüsusi xidmət orqanları ilə əməkdaşlıqda virusu şəbəkəyə buraxan hakerlərin saxlanılması üzərində iş aparırlar. Artıq faktla bağlı bir neçə nəfər həbs edilib.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.