RƏQƏMSAL DÜNYA

İsveçin Ericsson şirkəti ayrı-ayrı kiçik baza stansiyaları arasında siqnalların daha yaxşı paylanması üçün nəzərdə tutulan Lean Carrier innovativ texnologiyasını təqdim edib.

Xeberler.az xarici mətbuata istinadən bildirir ki, texnologiya kəsişən kiçik baza stansiyaları arasında maneələri aradan qaldıraraq 4G LTE şəbəkələrinin planlaşdırılmasını sadələşdirir. Lean Carrier həllindən istifadə məlumatların ötürülmə sürətini artırır və əlavələr üçün əhatə dairəsini yaxşılaşdırır. Texnologiyanın hazırlanmasında həmçinin mobil rabitə operatorlarının və 2020-ci ildə kommersiya istismarına verilməsi gözlənilən 5G şəbəkə istifadəçilərinin tələbatı nəzərə alınıb.

Maneələrin azaldılması sayəsində Ericsson Lean Carrier böyük şəbəkələrdə 256 QAM modullaşmasına keçidi təmin edir. Bununla küçələrdə quraşdırılan makrosəviyyəli şəbəkələrdə məlumatları daha yüksək sürətlə ötürmək mümkün olur. Lean Carrier texnologiyasının tətbiqi 256 QAM modullaşmasından istifadə vaxtının intervallarının davamlığını 280 faiz artırır.

Hazırda Ericsson Lean Carrier həllindən SK Telecom (SKT) operatorunun şəbəkəsində şəhərlərdə və az məskunlaşmış ərazilərdə quraşdırılan minlərlə kiçik baza stansiyalarında istifadə edilir. Həllin geniş tətbiq edildiyi şəbəkə hissələrində azalan sürətdə 50 faizlik artım qeydə alınıb. Bununla yanaşı, bütün şəbəkədə məlumatların ötürülmə sürəti 10 faiz yüksəlib.

Xeberler.az