Nazirlik yeni saytını təqdim edib

17-05-2018 / 15:40

Məlum olduğu kimi, uzun müddətdir Nəqliyyat, Rabitə və Yüksək Texnologiyalar Nazirliyinin yeni saytı hazırlanırdı.

Xeberler.az-ın məlumatına görə, bu gündən etibərən NRYTN-in yeni rəsmi saytı mincom.gov.az domeni üzərində istifadəyə verilib.

Belə ki, yenilənən saytda nazirliyin sayt və domen ünvanı da zəruri dəyişikliklər edilərək ictimaiyyətə təqdim olunub.

Hazırda mövcud resursda nəqliyyat ilə bağlı bölmələr də yer alıb.

www.mincom.gov.az domen ünvanında fəaliyyət göstərən saytın dizaynı yenilənməklə yanaşı funksionallığı artırılıb.

Qeyd edək ki, keçmiş Nəqliyyat Nazirliyinin domeni də www.mincom.gov.az ünvanına yönləndirilib.

Saytda “Nazirlik”, “Fəaliyyət”, “Qanunvericilik”, “Layihələr” və “Media” bölmələri, eləcə də Nazirliyin, tabeli müəssisə və qurumların fəaliyyətinə dair alt bölmələr yenilənib.

Sayt Azərbaycan, ingilis və rus dillərində fəaliyyət göstərir.

İstifadəçi rahatlığını təmin etmək məqsədi ilə nazirliyin bütün qurumlarına dair məlumatlara keçid saytın əsas səhifəsində yerləşdirilib.

Saytda “Dilmanc” səsləndirmə alqoritmi də tətbiq edilib. Bu tətbiq vasitəsilə istifadəçilər saytdakı istənilən məlumatı həm də dinləyə bilərlər.

Nəqliyyat, Rabitə və Yüksək Texnologiyalar Nazirliyinin saytında görmə qüsuru olan şəxslər üçün funksiya yaradılıb.

Bu funksiya məlumatların üstünlük təşkil etdiyi daxili səhifələrdə aktivdir. Saytın sağ tərəfindəki gözə bənzər işarəni seçməklə şriftləri böyütmək, rəngləri dəyişmək mümkündür.

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə