Alimlər yüksək həcmli akkumulyatorlar hazırlayıblar
11-11-2008
16:34
Cənubi Koreyanın alimləri müasir litium batareyaların effektivliyini 90% artırmağa imkan yaradan texnologiya işləyiblər. Xanyan şəhər Universitetinin Tədqiqatçılar Qrupunun nümayəndələrinin sözlərinə görə, yeni texnologiya sayəsində böyük ölçülü batareyaların, məsələn, mobil telefon və ya noutbuk akkumulyatorlarının iş saatını isə səkkiz dəfə artırmaq mümkündür.
Həmin texnologiyanın əsas xüsusiyyəti ondan ibarətdir ki, tədqiqatçılar mənfi enerjili elektrodlar tərkibindən qrafiti çıxarıblar. Bunun əvəzinə kimyəvi tərkibə silikatlar və ftorlu hidrogen əsasında üçölçülü silisium materialı əlavə olunub.
Koreyalı mütəxəssislər silisiumun elektrik xüsusiyyətlərini saxlamış, bununla yanaşı litiumla qarşılıqlı təsir qabiliyyətini itirmiş kimyəvi struktur hazırlaya biliblər. Yeni enerji mənbələrinin satışa çıxarılması təqribən 4-5 ildən sonra baş tutacaq, Cybersecurity yazır.
Mənbə: mincom.gov.az
