HP öz noutbuklarını yeni nəsil batareyalarla təmin edəcək

11-12-2008 / 09:10

 

  Gələn ildən etibarən Hewlett-Packard (HP) şirkətinin noutbuklarında daha uzun iş müddətli yeni akkumulyator batareyaları quraşdırılacaq. Yeni batareyalar mövcud modellərlə müqayisədə həmçinin ekoloji cəhətdən daha təmizdir.
HP və Boston Power şirkətləri tərəfindən birgə işlənib hazırlanmış Enviro adlı həmin batareya, hətta üç ildən sonra belə 80% enerji ilə doldurula bilər. Qeyd edək ki adi batareyalar bu imkana malik deyillər və artıq bir və ya iki ildən sonra öz effektivliklərini itirirlər. Müqayisə üçün qeyd edək ki, müasir akkumulyator batareyasını təxminən 150 dəfə enerji ilə tam doldurmaq mümkündür, Boston Power-in işləyib hazırladığı batareyada isə bu göstərici 1000-nə bərabərdir, Cnews  yazır.
  HP-nin araşdırmalarının nəticələrində qeyd olunur ki, istifadəçilərin təqribən 40% üç il ərzində noutbuklarında 5 dəfə batareya dəyişirlər, bu zaman hər bir batareyanın qiyməti orta hesabla 150 ABŞ dolları təşkil edə bilər. Yeni batareya isə, adilərindən cəmi 20-30 dollar baha satılacaq.
  Qeyd edək ki, yeni batareyaların quraşdırılması HP şirkətinin bütün modellərinə aid olmayacaq.

 

 

xeberler.az/Ellada


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.