Gartner analitikləri inanırlar ki, mini-noutbuk bazarı böyüyəcək. 2008-ci il üzrə bu texnikanın dünya üzrə təchizi 5,2 mln təşkil edirsə, 2009-cu ildə bu göstərici 8 mln-a çatacaq. Mütəxxəssislər onu da istisna etmirlər ki, bu cür böyük tələbat 2012-ci ildə 50 mln noutbukun satılmasına gətirib çıxaracaq.
Mini-noutbuklar 5-10 düymlük ekranlı kiçik Windows XP və ya Linux-la işləyən kompüterlərdir. Bu kateqoriyaya ekran diaqonalı 5 düymdən kiçik olan kompüterlər daxil deyil. Məhsula olan tələbat onun kiçik ölçülərə, az çəkiyə malik olması, ucuz qiyməti, yüngül və çoxfunksiyalı olması ilə əlaqədardır. Bu kiçik qurğu çox müştərilərin, hətta evində kompüteri olanların da köməyinə çata bilər.
Həmçinin noutbukun dizaynı, rahat istifadəsi, istehsalçılar tərəfindən olan dəstək də ona olan marağın artmasına səbəb olacaq. Ciddi artım isə yalnız 2010-cu ildən başlayacaq və bu korporativ müştəriləri daha çox cəlb edəcək.
