18 aydan sonra smartfon və planşetlərin satış həcmi PK-ları geridə qoyacaq

17-12-2010 / 12:32

18 aydan sonra dünya üzrə smartfon və planşetlərin ümumi satış həcmi ilk dəfə olaraq personal kompüterlərin (PK) satış həcmini keçəcək.

 Bu barədə proqnoz verən IDC analitik şirkətinin mütəxəssisləri qeyd edirlər ki, bundan sonra smartfon və planşetlərin satış göstəriciləri artıq PK-lardan hər zaman yüksək olacaq. Belə ki, IDC 2011-ci ildə dünya bazarına 42 milyon multimedia planşetlərinin təchiz olunacağını proqnozlaşdırır. Personal kompüterlərə gəldikdə isə, bazara 409 milyon bu cür qurğunun çıxarılacağı gözlənilir. Buraya o cümlədən stolüstü sistemlər, noutbuklar və netbuklar da daxildir. Cari illə müqayisədə PK-ların satış həcmi 18 faiz artacaq, planşetlərdə isə artım göstəricisi 181 faiz təşkil edəcək.

Hələ ki planşet sistemlərin əsas hissəsi Apple şirkətinin iPad qurğularının payına düşür, lakin analitiklər hesab edir ki, Android 3.0 mobil əməliyyat sisteminin ərsəyə gətirilməsi ilə, Google şirkətinin platformasının bazardakı payı xeyli artacaq. Qeyd edək ki, Android-in üçüncü versiyasının 2011-ci ildə təqdim olunması planlaşdırılır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə