2015-ci ildə 2 milyard mobil telefon satılacaq

15-10-2015 / 16:20

2019-cu ildə dünya mobil telefonlar bazarının həcmi 2,24 milyard ədədə çatacaq ki, bunun da 2 milyardı smartfonlar sinfinə aid olacaq.

Xeberler.az xarici mətbuata istinadən bildirir ki, bu il ekspertlər qlobal mobil telefon satışını 2,01 milyard ədəd, smartfonların isə 1,45 milyard ədəd səviyyəsində olacağını proqnozlaşdırırlar.

Çində tələbatın zəifləməsi ilə əlaqədar mütəxəssislər bazar üzrə proqnozu azaldıblar. Əvvəlki hesabatda 2015-2019-cu illərdə mobil telefonların tədarükünün müvafiq olaraq 2,07 və 2,35 milyard ədəd olacağı bildirilib.

Eyni zamanda ekspertlər 4G şəbəkəsini dəstəkləyən qurğuların perspektivləri barədə optimist fikirdədirlər. 2015-ci ildə dördüncü nəsil mobil rabitə şəbəkəsini dəstəkləyən modellərin satışının 75 faiz artaraq 770 milyon ədəd təşkil etməsi, 2019-cu ildə 1,44 milyarda çatması proqnozlaşdırılır. 4G telefonların tədarükü üzrə bundan əvvəlki proqnoz müvafiq olaraq 670 milyon və 1,29 milyard ədədi nəzərdə tutub.

Analitiklərin fikrincə, smartfon istehsalçılar arasında mədaxilə görə lider olan Apple şirkəti yaxın iki ildə bazardakı mövqeyini qoruya biləcək.

Digər istehsalçılar isə artmaqda olan rəqabət şəraitində müəyyən çətinliklərlə üzləşə bilərlər. Belə ki, mobil telefonların tədarükünə görə birinci yeri tutan Samsung şirkətini Çinin Huawei, Lenovo və Xiaomi istehsalçıları getdikcə daha çox sıxışdırmağa başlayıb. 2015-ci ilin birinci yarısında şirkətlərin bu müddətdə 550 milyon satılmış Android sistemli smartfonlarda payı 21 faizə bərabər olub.

Yerli bazarda uğur qazanan Çin şirkətləri ölkədən xaricdə iştiraklarını genişləndirməyə çalışırlar. CCS Insight-n proqnozuna görə, bu il Android mobil əməliyyat sisteminin idarəetməsi ilə işləyən qurğuların orta qiyməti 8 faiz azalaraq 164 dollar təşkil edəcək.  

Həmçinin qeyd olunur ki, əsas lider platformalar Android və iOS digər əməliyyat sistemlərini sıxışdırır. Analitiklərin fikrincə, mövqeyini yalnız 2017-ci ilədək mobil telefonlar bazarında biznes istifadəçiləri sayəsində payı 4 faiz olacaq Windows sistemi qoruyub saxlaya bilər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.