RƏQƏMSAL DÜNYA

Google mobil Youtube tətbiqetməsində videoları internet bağlantısı olmadan da izləməyin mümkün olacağını açıqladı.
Mobil istifadəçilər internetə çıxış mövcud olduğu zaman videoları telefonlarına yazıb, daha sonra vaxtı olduqda izləmək istəyirlər. Ancaq Youtube indiyə qədər saytdakı məzmunun telefonlara yazılıb daha sonra internet bağlantısı olmadan izlənilməsini müəllif hüquqları pozuntusu hesab etdiyi üçün icazə vermirdi. Lakin bu vəziyyət Youtube-un noyabrda həyata keçirəcəyi yenilikdən sonra dəyişəcək.
Istifadəçilər limitsiz və sürətli internetə qoşulduqları vaxtda izlədikləri YouTube videolarını yaddaşa yazıb sonra internetə qoşulmaqda çətinlik çəkdikləri yerlərdə telefonlarının yaddaşından izləyə biləcəklər.
Bu videolara əlavə olunan reklamlar varsa , tamaşaçı offline izləmə zamanı o videoları da izləyəcək və telefon təkrar internetə bağlananda reklamların və videoların izlənilmə sayı sistemə əlavə olunacaq.
Qeyd olunan videolar internetə qoşulmadan 48 saat ərzində izlənilə biləcək.
48 saat sonra telefon internetə bağlanmayıbsa ,yazılan məlumatlar, bir sonrakı əlaqəyə qədər özünü blok edəcək.
İnternetə bağlanıldığında isə müddət sıfırlanacaq və yenidən 48 saat başlayacaq.