Avropa Oyunları ilə bağlı Bakıda optik kabel infrastrukturu yaradılıb

23-04-2015 / 19:38

“Bakı 2015 Avropa Oyunları ilə bağlı bütün stadionlara optik kabellər çəkilib, Bakıda optik kabel infrastrukturu yaradılıb. Bütün oyun və qeyri-oyun məkanları həm simli, həm də simsiz texnologiyalar ilə təchiz olunub”.

Xəbərlər-in məlumatına görə bunu jurnalistlərə açıqlamasında rabitə və yüksək texnologiyalar nazirinin birinci müavini İltimas Məmmədov bildirib.

Nazir müavini  vurğulayıb ki, nazirlik tərəfindən simsiz texnologiyaların müdafiəsinə ciddi əhəmiyyət verildi və bundan ötrü xüsusi texnologiyalar alınıb: “Mütəxəssislər qrupu hazırlanıb və qrupda xüsusi kurslar təşkil olunur. Kursda həmin simsiz texnologiyadan istifadə qaydası da öyrədilir”.

İltimas Məmmədov qeyd edib ki, Avropa Oyunları ilə bağlı xüsusi markalar da artıq hazırlanıb: “Nazirlik tərəfindən xüsusi markalar hazırlanıb və dövriyyəyə buraxılıb. Bu markalarda bütün idman növləri nəzərə alınıb. Artıq poçt şöbələrindən bu markaları əldə etmək olar”.

İltimas Məmmədov vurğulayıb ki, Rabitə və Yüksək Texnologiyalar Nazirliyi  Avropa Oyunları çərçivəsində keçiriləcək tədbirlərin yüksək səviyyədə başa çatdırılması üçün zəruri tədbirləri görəcək. 

 

Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.