E - HÖKUMƏT

“Ölkəmizdə Avropa Olimpiya Oyunlarının yüksək səviyyədə keçirilməsi üçün bütün hazırlıq işləri görülüb. Digər qurumlar kimi Rabitə və Yüksək Texnologiyalar Nazirliyi də bu məsələdə üzərində düşən vəzifələri ən yüksək səviyyəd yerinə yetirir. İnsanaların internetdən tam təhlükəsiz şəkildə istifadə etməsi üçün optik kabellər çəkilib, qlobal provayderin özünə bir neçə yerdən alterativ əlaqələr yaradılıb”. Xeberler.az SİA-ya istinadən məlumat verir ki, bunu Rabitə və Yüksək Texnologiyalar Nazirinin müavini İltimas Məmmədov bildirib.

Avropa Olimpiya Oyunları zamanı ölkəmizdə insanların internet resurslarından tam təhükəsiz şəkildə istifadəsi üçün atılan addımlardan danışan İ.Məmmədov qeyd edib ki, Azərbaycanın dünyaya bağlantısı üçün bir neçə istiqamətdən üç, hətta dörd alternativ xətt mövcuddur: “Yəni xəttin birində hər hansı problem olarsa alternativ xəttlər işə düşəcək. Eyni zamanda baş verə biləcək hər hansı xaker hücumlarının qarşısının alınması üçün bir neçə addımın həyata keçirilməsi nəzərdə tutulub. Bunun üçün xüsusi qruplar fəaliyyət göstərir. Fəaliyyətimizi digər qurumlarla birlikdə reallaşdırmağı planlaşdırırıq. Baş verə biləcək hər hansı mənfi halların qarşısının alınması üçün mühüm işlər həyata keçirilib. Eurovision mahnı müsabiqəsi ölkəmizdə keçiriləndə də deyirdilər ki, insanların internetdən istiafadəsində problemlər olacaq. Ancaq gördünüz ki, bu hal baş vermədi. Bu dəfə də insanların internetdən istifadəsi tam təmin olunacaq. Hər hansı bir probelmin baş verməməsi üçün bütün imkanlar səfərbər ediləcək və mümkün mənfi halların hamısının qarşısı alınacaq. İnsanlar tam təhlükəsiz şəkildə internetdən istifadə edə bilcəklər”.