Avtomatlaşdırılmış Korporativ İnformasiya Sisteminin ilk sınaqları uğurla keçib

30-11-2008 / 17:47

Rabitə və İnformasiya Texnologiyaları Nazirliyinin “Azərpoçt” Dövlət Müəssisi üçün HP və onun partnyorları olan Colvir və Sinam şirkətləri tərəfindən qurulan Avtomatlaşdırılmış Korporativ İnformasiya sisteminin ilk sınaqları uğurla keçirilib.


Belə ki, yaxın günlərdə sistemin «pul köçürmələri» modulu çərçivəsində şəhər telefon pullarının qəbulu üzrə real rejimdə ilk əməliyyatlar “Azərpoçt” DM-in 1 Saylı Poçt Filialının 10 saylı poçt şöbəsində həyata keçirilib. Aşkara çıxmış səhvlər tam aradan qaldırıldıqdan sonra Poçt Filialının Mərkəzi poçt şöbəsi də sistemə qoşulub. 
Bundan əlavə, APUS sistemi üzrə kommunal haqların qəbulu əməliyyatları da sınaqdan keçirilib
və nəzərdə tutulmuş formatda APUS və Avtomatlaşdırılmış Korporativ İnformasiya Sistemi arasında informasiya mübadiləsi normal baş tutub. Yaxın vaxtlarda Azercell, Bakcell, Ultel və Catel rabitə operatorlarının telefon pullarının da sistem üzərindən və ya informasiya mübadiləsi formasında həyata keçirilməsi nəzərdə tutulub.


Ümumilikdə sistemin tam olaraq təhvil verilməsi isə növbəti ilin sentyabr ayına qədər sona çatdırılacaq.

 

 

 

 

 

 

xeberler.az/Ellada


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.