Aqrar sahədə müasir innovativ texnologiyaların tətbiqində Azərbaycanla İsrail əməkdaşlıq edə bilər.
Xeberler.az məlumat verir ki, bunu Azərbaycan kənd təsərrüfatı naziri İnam Kərimov Bakıda "Kənd təsərrüfatı və təhsil" mövzusunda keçirilən Azərbaycan -İsrail İnnovasiya Forumunda deyib.
Onun sözlərinə görə, iki ölkə arasında əməkdaşlıq üçün fokuslandığımız sahə kənd təsərrüfatıdır: "İsrail kənd təsərrüfatı sahəsində geniş innovasiyalar tətbiq edir. İsrail su və torpaq resursları məhdud ölkədir, bu, yalnız İsrail üçün xas hal deyil, eyni zamanda, dünyanın bir çox ölkələrinə də aiddir.
Əfsus ki, Azərbaycan bu siyahıda istisna deyil. Azərbaycanın su ehtiyatlarının çoxu ölkə xaricində formalaşır. Azərbaycan üçün aqrar sahə dövlətin əsas prioritetdir. Ona görə də bu kimi problemlərin həllində əsas məqam innovasiyaların tətbiqinin genişləndirilməsidir".
Nazir vurğulayıb ki, Azərbaycanla İsrail arasında əlaqələr yüksək səviyyədədir: "Bu əlaqələri genişləndirmək üçün potensial mövcuddur. Azərbaycanla İsrail arasında 2021-ci ildə İsraildə biznes forum təşkil etdik, iki ölkədən olan şirkətlər iştirak etdi.
Ötən il İsrailin kənd təsərrüfatı naziri Azərbaycana səfər edərək forumda iştirak etdi. Hesab edirəm ki, ikitərəfli görüşlər, tədbirlər əməkdaşlığımıza müsbət təsir edir. Bu gün keçirilən forum bizim əməkdaşlığımıza müsbət təsir göstərəcək".
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri