İKT TƏHSİL

Azərbaycan təhsil sistemində ilk dəfə olaraq Dövlət Neft Sənaye Universitetinin Biznesin idarə olunması-BA (MBA,BBA,ZU) Proqramları üzrə 5 ixtisas Beynəlxalq Akkreditasiya Agentliyi FIBAA (Foundation for International Business Administration Accreditation) tərəfindən akkreditasiya olunub.

Bu barədə Xeberler.az-a Universitetdən məlumat verilib.

Qeyd edilən ixtisaslar aşağdakılardır:

-Business Informatics (B.Sc)

 -Computer Engineering (B.Sc.)

-Industrial Engineering (B.Sc.)

-Computer Information Systems (MBA)

-Operations Management (MBA)

 Xatırladaq ki, 1994-cü ildə Almaniyanın Bonn şəhərində yaradılmış FİBAA Almaniya Akkreditasiya Şurası (German Accreditation Council) tərəfindən qəbul olunan ilk akkreditasiya agentliyidir. Bu agentliyin əsas prinsipi keyfiyyətin təkmilləşdirilməsi, təhsilin Avropa və Beynəlxalq standardlara uyğunluğunun təmin edilməsidir. Cari ilin 24-26 oktyabr tarixlərində Azərbaycanda ilk dəfə olaraq BA Proqramlarında FİBAA -nın nümayəndə heyəti tərəfindən Beynəlxalq Akkreditasiya yoxlanılması keçirildi. Nümayəndə heyəti arasında Erfurt, Albştad–Ziqmaringen,Osnabrük kimi nüfuzlu universitetlərin professorları vardı.

Bu yoxlama zamanı Proqramda tədrisin bütün strukturları, bütün tədris materialları, dərs vəsaitləri, kurrikulumlar, sillabuslar və s. hərtərəfli yoxlanılıb. İnzibati heyət, professor-müəllim heyəti, tələbələrlə, məzunlarla görüşlər keçirilib, geniş müzakirələr aparılıb. Sonrasında davam edən prosedurlar nəticəsində BA Proqramlarında yuxarıda adları çəkilən 5 ixtisas akkreditasiya qazanıb. Bu uğur ən yeni tədris metodologiyaları, texniki vəsaitlər, ingilis dilində yüksək səviyyəli təhsilə əsaslanan BA Proqramlarının təhsil standartlarının Avropa və beynəlxalq standatlara uyğun olmasının ən aydın göstəricisidir.

Proqramları tam qiymətləndirdikdən sonra FİBAA belə qənaətə gəlib ki, ADNSU-nun BA Proqramlarının inkişafı üçün müəyyənləşdirilmiş keyfiyyət hədəfləri vardır və onların icrasını müntəzəm olaraq qiymətləndirir. Onun keyfiyyətə təminat sistemi davamlı keyfiyyətin təmin edilməsi və təşkilatın təkmilləşdirilməsi üçün hərtərəfli şəkildə tətbiq edilir. Eyni zamanda, sistematik şəkildə proqramların keyfiyyətinə davamlı nəzarət və monitorinq üçün istifadə edilən inkişaf prosedurları da mövcuddur.

Xeberler.az