E - HÖKUMƏT

Keyfiyyət informasiya sistemindən istifadə qaydası müəyyənləşib.

Xeberler.az məlumat verir ki, bu barədə “Keyfiyyət informasiya sistemi haqqında Əsasnamə”də qeyd olunub.

Əsasnamədə bildirilib ki, dövlət informasiya ehtiyatlarına və sistemlərinə malik olan qurumların Sistemdən istifadəsi onların informasiya ehtiyatları və sistemləri Qaydaların 4-cü hissəsinə və “Fərdi məlumatlar haqqında” Azərbaycan Respublikasının Qanununa uyğun olaraq Elektron Hökumət İnformasiya Sisteminə (EHİS) inteqrasiya edildikdən sonra məlumat mübadiləsinin həyata keçirilməsi yolu ilə təmin edilir.

Dövlət informasiya ehtiyatlarına və sistemlərinə malik olmayan qurumların və digər hüquqi şəxslərin Sistemdən istifadəsi onların elektron kabinetləri vasitəsilə təmin edilir. Bu halda qurumların və digər hüquqi şəxslərin rəhbər şəxsi tərəfindən Sistemdə qeydiyyatdan keçirilən və müvafiq hüquqlar verilən məsul şəxslər EHİS-in “Vahid Giriş” altsistemi vasitəsilə identikləşdirildikdən sonra avtomatik qaydada yaradılan elektron kabinetlərə daxil olaraq Sistemdən istifadə edirlər.

Fiziki şəxslər EHİS-in “Vahid Giriş” altsistemi vasitəsilə Sistemdə identikləşdirildikdən sonra avtomatik qaydada yaradılan elektron kabinetlərə daxil olaraq Sistemdən istifadə edirlər.

Həmçinin Əsasnamənin 1.3-cü bəndində müəyyən edilən xidmətlərdən istifadə sistemin rəsmi internet informasiya ehtiyatı (EHİS-ə keçid verilməklə) və EHİS vasitəsilə, ödəniş edilməsi isə elektron kabinetdə ödəniş xidməti təchizatçıları vasitəsilə həyata keçirilir.

Operator akkreditasiya olunmuş uyğunluğu qiymətləndirən qurumun akkreditasiya attestatının müddəti dayandırıldıqda və ya ləğv edildikdə, həmçinin akkreditasiya attestatının etibarlılıq müddəti bitdikdə istifadəçinin sistemdəki elektron kabinetində uyğunluğun qiymətləndirilməsi fəaliyyətinin həyata keçirilməsi üzrə hüquqları məhdudlaşdırılır.

Əsasnamə ilə daha ətraflı link vasitəsilə tanış ola bilərsiniz.