Azərbaycanda internet provayderlərin vahid platforması yaradılacaq

11-10-2021 / 16:14

Azərbaycanda internet provayderlərin vahid reyestri və onların əhatə dairəsi ilə bağlı vahid məlumat mərkəzi yaradılacaq.

Xeberler.az bildirir ki, bu məqsədlə "ASANnet" informasiya sisteminin və vahid xidmət portalının yaradılması nəzərdə tutulub.

Hazırda ilkin mərhələdə dövlət provayderləri olan "Baktelecom" və "Aztelekom" müştəriləri üçün belə bir xidmətin hazırlanmasına start verilib. Növbəti mərhələdə isə bütün provayderlərin müştəriləri üçün "ASANnet" xidmətinin yaradılması nəzərdə tutulub.

Bu xidmət vahid portalda hər bir müştəri üçün şəxsi kabinetin yaradılması və qoşulduğu provayderin təqdim etdiyi xidmətlərin buradan idarə edilməsini nəzərdə tutur.

Şəxsi kabinetə malik olan istifadəçi bu xidmət vasitəsilə istənilən vaxt bu xidmətə qoşulan provayderi dəyişə, internet sürətini seçə və dəyişiklik edə biləcək.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.